PHOTOS: कोकणसह मुंबईत जोरदार पाऊस, पुण्यात ढगाळ वातावरण

मुंबई- राज्यात मान्सून दाखल होण्यासाठी अनुकूल वातावरण आहे. दक्षिण गोव्यात मान्सून दाखल झाल्यानंतर तळकोकणात आज मान्सून होईल. मात्र, त्याआधीच मान्सूनपूर्व सरी कोकण किनारपट्टीसह मुंबईत कोसळू लागल्या आहेत. मुंबईत आज पहाटेपासूनच पावसाला सुरुवात झाली आहे. मुंबईतील अंधेरी परिसरात मुसळधार पाऊस पडत आहे. तर तिकडे पुण्यात ढगाळ वातावरण असून, पश्चिमेकडून गार वारा वाहत आहे. त्यामुळे पुण्यातही आज जोरदार सरी कोसळू शकतात अंदाज आहे.