नवी मुंबईमध्ये चाेरट्यांनी बँकेखाली 50 फूट भुयार खोदून रोकड-दागिने लांबवले

मुंबई- नवी मुंबईतील एका बँकेखाली चोरट्यांनी तब्बल ५० फूट लांब भुयार खोदून बँकेत प्रवेश केला. यानंतर तिजोरीत ठेवलेली एक कोटी रुपयांची रोकड व लॉकरमधील दागदागिने लांबवले. बँक ऑफ बडोदाच्या जुईनगर शाखेत ही घटना घडली.  शनिवार-रविवारच्या सुटीनंतर सोमवारी कर्मचारी बँकेत आल्यानंतर लॉकर व तिजोरीचे कुलूप तोडलेले दिसले. चोरट्यांनी बँकेजवळील एका किराणा दुकानातून लॉकर रूमपर्यंत  ५० फुटांचे भुयार खोदले होते. तथापि, चोर बँकेची मुख्य तिजोरी उघडू शकले नाहीत.