आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

विरोधकही लावत होते बाळासाहेबांच्‍या दरबारात हजेरी, ठाकरे खुलेआम देत धमकी

6 वर्षांपूर्वी
  • कॉपी लिंक
मुंबई - शिवसेनाप्रमुख बाळासाहेब ठाकरे यांच्‍या व्‍यक्‍तीमत्‍त्‍वाविषयी जसे शिवसेनेच्‍या कार्यकर्त्‍यांना आकर्षक आहे तेवढेच आकर्षण त्‍यांच्‍या विरोधकांनासुद्धा आहे. त्‍यांचे क‍ट्टर विरोधकसुद्धा वेळोवेळी 'मातोश्री'वर जात होते. शिवाय बाळासाहेब कुणालाही न घाबरता उघड उघड धमकी देत असत. बाबरी मशीद पाडणा-यांमध्‍ये जर शिवसैनिक असतील तर माझ्यासाठी ही बाब गौरवाची आहे, अशी प्रतिक्रियाही त्‍यांनी दिली होती. 17 नाव्‍हेंबर रोजी त्‍यांचा स्‍मृतीदिन आहे. त्‍या अनुषंगाने divyamarathi.com आपल्‍या वृत्‍त मालिकेतून सांगणार आहे बाळसाहेबांविषयी तुम्‍ही न ऐकलेल्‍या, वाचलेल्‍या रंजक गोष्‍टी....

कुटुंब
तीन मुले. बिंदुमाधव ठाकरे, जयदेव ठाकरे आणि उद्धव ठाकरे. पुतण्या राज ठाकरे. उद्धव आणि राज हे मावसभाऊदेखील आहेत. युवा सेनेचे प्रमुख आदित्य उद्धव ठाकरे नातू. 20 एप्रिल 1996 रोजी बाळासाहेबांचे थोरले चिरंजीव बिंदुमाधव यांचा रस्ते अपघातात मृत्यू झाला. त्यानंतर सहा महिन्यांनी बाळासाहेबांच्या पत्नी मीनाताई (सरला) यांचेही निधन झाले. उद्धव ठाकरे यांच्याकडे शिवसेनेचे कार्यकारी प्रमुखपद आहे. वैचारिक मतभेदांमुळे जयदेव 1995 मध्ये कुटुंबापासून वेगळे झाले होते; परंतु बाळासाहेबांची प्रकृती बिघडल्यानंतर एक-दोन वेळा ते घरी आले होते.
राजकीय ओळख
केशव सीताराम ठाकरे उपाख्य प्रबोधनकार ठाकरे हे बाळासाहेबांचे वडील. 1950 मध्ये बाळासाहेबांनी संयुक्त महाराष्ट्र चळवळीत उडी घेतली. राज्याला मराठी राज्य घोषित करण्याचाच उद्देश यामागे होता.
व्यंगचित्रकाराची कारकीर्द
50 च्या दशकात बाळासाहेबांनी मुंबईतील फ्री प्रेस जर्नलमध्ये व्यंगचित्रकार म्हणून नोकरी पत्करली. नंतर त्यांची व्यंगचित्रे मुंबईतील टाइम्स ऑफ इंडियाच्या रविवारच्या आवृत्तीत छापली जात होती. 1960 मध्ये त्यांनी ‘मार्मिक’ हे व्यंगचित्र नियतकालिक सुरू केले. बिगरमराठी लोकांच्या वाढत्या प्रभावाचा मजकूर
यात होता.
मुस्लिम डॉक्टरांची देखरेख
बाळासाहेबांवरील उपचारांची जबाबदारी दोन मुस्लिम डॉक्टरांच्या हाती होती. लीलावती रुग्णालयाचे डॉ. जलील पारकर आणि डॉ. अब्दुल समद अन्सारी मागील दशकभरापासून त्यांच्यावर उपचार करत होते. अखेरच्या क्षणीही या डॉक्टरांची सोबत होती. डॉ. पारकर यांच्या सांगण्यावरूनच यंदा बाळासाहेबांनी दसरा मेळाव्याच्या सभेला व्हिडिओच्या माध्यमातून संबोधित केले होते.
शिवसेनेचे राजकारण
19 जून 1966 रोजी शिवसेनेची स्थापना झाली. महाराष्ट्रीय लोकांना त्यांचा हक्क मिळवून देणे हे ध्येय ठरले. 1989 मध्ये पक्षाचे मुखपत्र ‘सामना’ची सुरुवात झाली.
1995 मध्ये पहिले सरकार
शिवसेनेने 1995 मध्ये भाजपच्या जोडीने राज्यात सरकार स्थापन केले. 1999 पर्यंत सत्तेवर राहिलेल्या या सरकारचा प्रत्येक निर्णय बाळासाहेबांच्याच हाती होता, असे बोलले जाते. केंद्रातील रालोआ सरकारमध्येही शिवसेना सहभागी होती. मुंबई महापालिका मागील 17 वर्षांपासून शिवसेनेच्या ताब्यात आहे.
पुढील स्लाइड्‍सवर क्लिक करून पाहा, बाळासाहेब ठाकरे यांचे निवडक फोटोज...
बातम्या आणखी आहेत...