Home | Maharashtra | Mumbai | uddhav thackerey attacks on bjp

राममंदिराप्रमाणे शेतकऱ्यांची कर्जमुक्तीही लाल फितीत, हिवाळी अधिवेशनापूर्वी उद्धव यांचा घणाघात

दिव्‍य मराठी वेब टीम | Update - Dec 07, 2017, 12:43 PM IST

अकोल्‍यातील शेतकरी आंदोलन व आगामी हिवाळी अधिवेशनाच्‍या पार्श्‍वभूमीवर उद्धव ठाकरे यांनी पुन्‍हा एकदा भाजपवर निशाणा साधला

  • uddhav thackerey attacks on bjp
    मुंबई- अकोल्‍यातील शेतकरी आंदोलन व आगामी हिवाळी अधिवेशनाच्‍या पार्श्‍वभूमीवर उद्धव ठाकरे यांनी पुन्‍हा एकदा भाजपवर निशाणा साधला आहे. 'अयोध्येतील राममंदिराप्रमाणे महाराष्ट्रातील शेतकऱ्यांची कर्जमुक्तीही लाल फितीत व घोषणाबाजीतच अडकून पडली आहे. त्यामुळे सरकारने तोंडास पुसलेल्या पानासह हवालदिल होऊन शेतकरी रस्त्यावर उतरला आहे. यशवंत सिन्हा हे झारखंडमधून विदर्भात आले व त्यांनी आंदोलन केले. ते कधीच लोकनेते नाव्‍हते. तरीही शेतकरी मोठ्या संख्‍येने त्यांच्या मागे उभा राहिला. भाजप व सरकारसाठी ही धोक्‍याची घंटा आहे', असा इशारा त्‍यांनी भाजपला दिला आहे.

    आंदालन मागे घ्‍या म्‍हणून धावपळ का करावी लागली?
    शिवसेनेच मुखपत्र 'सामना'च्‍या संपादकीयमधून उद्धव यांनी भाजपवर हल्‍लाबोल चढवला आहे. ते म्हणाले, 'यशवंत सिन्हा हे भाजपमधील ‘टाकाऊ’ व ‘बिनकामाचे’ नेते आहेत असे काही लोकांचे म्हणणे आहे. मग सिन्हा यांना विदर्भात इतका पाठिंबा का मिळाला? चंद्रकांत पाटलांपासून मुख्यमंत्र्यांपर्यंत सर्व मंडळींना त्‍यांची मनधरणी का करावी लागली?' 11 डिसेंबरपासून नागपूरमध्‍ये हिवाळी अधिवेशनास सुरुवात होत आहे. या आंदोलनाचा भडका उडण्‍याच्‍या भितीमुळे व आगामी हिवाळी अधिवेशनात याचे फटाके फुटू नये म्‍हणून राज्‍यकर्त्‍यांनी धावपळ करावी लागली, असे उद्धव म्‍हणाले.


    आम्‍ही शेतक-यांबरोबरच
    यशवंत सिन्हा यांच्याशी आमचीही दूरध्वनीवरून चर्चा झाली होती. प्रश्न शेतकऱ्यांच्या जीवनमरणाचा आहे व याप्रश्नी सरकारात वगैरे आहोत व सत्तेचे काय होणार याची फिकीर न करता शिवसेनेने सर्वात प्रथम लढ्याचे रणशिंग फुंकलेच आहे. त्यामुळे कोणत्याही राजकीय फायद्या-तोट्याचा विचार न करता आम्ही सिन्हा यांना पाठिंबा दिला होता. अखेर सरकारने त्‍यांच्‍या मागण्‍या पूर्ण करण्‍याचे आश्‍वासन दिले व सिन्‍हा यांनी आंदोलन मागे घेतले. कर्जमाफीप्रमाणे या आश्‍वासनांच्‍या अंमलबजावणीची गत होऊ नये. अकोल्‍यातील शेतक-यांचा उद्रेक वेळीच समजून घेऊन आश्‍वसनांची पूर्तता केली पाहिजे. या आंदोलनाद्वारे थापा मारुन व टोप्‍या घालून फार काळ राजकारण करता येत नाही हेच शेतक-यांनी सांगितले आहे व आम्‍ही शेतक-यांबरोबर आहोतच, असे उद्धव म्‍हणाले.

    पुढील स्‍लाइडवर पाहा, मागण्या मान्य झाल्यानंतर यशवंत सिन्हा यांना करंजी भरवताना एक शेतकरी व आंदोलनाबद्दलची इतर माहिती...

  • uddhav thackerey attacks on bjp

    मागण्या मान्य झाल्यानंतर यशवंत सिन्हा यांना करंजी भरवताना एक शेतकरी.

  • uddhav thackerey attacks on bjp

    पोलिस मुख्यालयाच्या मैदानावर बुधवारी सायंकाळी सहा मागण्या मंजूर झाल्यानंतर आंदोलन मागे घेण्यात आले. त्या वेळी माजी केंद्रीय अर्थमंत्री यशवंत सिन्हा यांनी उपस्थितांशी संवाद साधून यापुढेही एकजूट राहण्याचा सल्ला दिला.

  • uddhav thackerey attacks on bjp

    यावेळी उपस्थित असलेले शेतकरी.
     

  • uddhav thackerey attacks on bjp

    माजी अर्थमंत्री व भाजपचे नेते यशवंत सिन्‍हा यांनी शेतक-यांच्‍या मागणीसाठी स्‍वत:च्‍या सरकारविरोधातच रणशिंग फुंकले आहे. आंदोलनादरम्‍यान सोमवारी संध्‍याकाळी त्‍यांना पोलिसांनी ताब्‍यात घेतले होते.

  • uddhav thackerey attacks on bjp

    उद्धव, पवार, प्रकाश आंबेडकरांनी दिला होता पाठिंबा
    मंगळवारी राष्ट्रवादीचे अध्यक्ष शरद पवार, शिवसेना पक्षप्रमुख उद्धव ठाकरे, काँग्रेस प्रदेशाध्यक्ष अशोक चव्हाण, भारिप-बमंसचे राष्ट्रीय नेते अॅड. बाळासाहेब अांबेडकर यांनीही सिन्हा यांच्याशी मोबाइलवर चर्चा करून अांदाेलनाला पाठिंबा दिला होता.

  • uddhav thackerey attacks on bjp

    व्याख्यानासाठी अकोल्यात आलेले महात्मा गांधी यांचे पणतू तुषार गांधी यांनीसुद्धा पोलिस मुख्यालयात सिन्हा यांची भेट घेऊन त्‍यांच्‍या आंदोलनाला पाठिंबा दिला होता.

  • uddhav thackerey attacks on bjp
    आंदोलनादरम्‍यान शेतकरी व यशवंत सिन्‍हा.

    अख्‍ेर मुख्‍यमंत्र्यांनी या मागण्या केल्‍या मान्य

    - बाेंडअळीमुळे कपाशीच्या झालेल्या नुकसानीची पाहणी करून भरपाईसाठी प्रशासनाकडे प्रस्ताव पाठवणार.
    - शेतकऱ्यांकडे असलेले संपूर्ण मूग, उडीद, साेयाबीन खरेदीसाठी शेतकऱ्यांच्या घरी जाऊन चित्रीकरणासह पंचनामे करणार.
    - शेतमालाची नियमानुसार खरेदी. मात्र नाफेडकडे अाॅनलाइन अर्ज भरलेल्यांच्या मालाचे पंचनामे केले जातील.
    - व्यापाऱ्यांना शेतमाल विकलेल्या शेतकऱ्यांना कागदपत्रे सादर केल्यावर हमीभावातील रकमेचा फरक मिळणार.

    - कृषिपंपाची वीजजाेडणी तोडू नये अशी सूचना महावितरणला करणार.
    - साेने तारण कर्जमाफीच्या अटींबाबत लवकरच सकारात्मक निर्णय घेण्यात येईल.

    - सर्व शेतकऱ्यांना कर्जमाफी मिळण्याची प्रक्रिया युद्धपातळीवर सुरू.

Trending