घरीच संगणक प्रशिक्षण अन‌् टॅबवर अभ्यास

जळगाव - आताघरबसल्या संगणकाचे विविध प्रशिक्षण घेणे सहज शक्य होणार आहे. यासाठी विशिष्ट इन्स्टिट्यूटमध्ये जाण्याची गरज भासणार नाही. केंद्रीय मनुष्यबळ विकास मंत्रालयाच्या मदतीने मुंबईच्या आयआयटीच्या विद्यार्थ्यांनी एक प्रशिक्षण अभ्यासक्रम तयार केला आहे. यातून घरबसल्या ज्ञान मिळणार आहे. तसेच लहान मुलांसाठी असलेल्या किडस लॅपटॉप, टॅब, ई-बुक्स, एज्युकेशन टॉय यासारख्या इलेक्ट्राॅनिक वस्तूंनी त्यांना घरीच शिकवणेही सोपे झाले आहे.

घरबसल्या संगणकाचे प्रशिक्षण घेण्यासाठी आॅनलाइन नोंदणी करावी लागणार आहे. प्रशिक्षण पूर्ण झाल्यानंतर प्रमाणपत्र दिले जाणार आहे. हे प्रशिक्षण अनेक भाषांमध्ये उपलब्ध आहे. तसेच िकडस् लॅपटॉप, टॅब, ई-बुक्स, एज्युकेशन टॉय यासारख्या इलेक्ट्राॅनिक वस्तूंनी घरीच शिकवणे सोपे होते आहे. ई-बुकच्या माध्यमातून दोन वर्षांच्या मुलांना रंग, अल्फाबेट नंबर, फळे, भाजीपाला यांची ओळख करणे शक्य होत आहे. एज्युकेशन टॉयमध्ये टॉकिंग टॉम, ई-चार्ट उपलब्ध आहेत. तर किडस् लॅपटॉपमध्ये मिसिंग लेटर, उच्चारण आहेत. एज्युकेशनल टॅबमध्ये प्राण्यांचे आवाज, कथा, अॅक्शन आदी गोष्टी सहज शिकवल्या जाऊ शकतात. या वस्तूंमुळे शाळेत जाण्यापूर्वीच मुलांची तयारी करणे सोपे होते आहे.

असा करतात वापर
स्पोकनट्यूटोरियलच्या spoken-tutorial.org या संकेतस्थळावर गेल्यास कोर्ससाठीची भाषा पर्याय समोर दिसतील. जे प्रशिक्षण आपल्याला घ्यायचे आहे ती भाषा तेथे निवडावी. त्यानंतर प्रशिक्षणाची चौकट उघडेल. त्यात काही व्हिडिओ लिंक पीडीएफ फाइल आहेत. त्या आपल्याला सहज डाऊनलोड करता येतात. त्यानुसार आपले मनपसंत प्रशिक्षण आपण घरीच शिकू शकतो. हे प्रशिक्षण सर्वच भाषेत उपलब्ध आहे.

हे कोर्स आहेत उपलब्ध
स्पोकनट्यूटोरियल जावा, अॅडव्हान्स सी, लायनेक्स, स्पोकन ट्यूटोरियल टेक्नॉलॉजी, ग्राफिक्स डिजाइन, अॅडव्हान्स सीपीपी, डिजीटल डिव्हाइड आदी.

एज्युकेशनगेमही उपलब्ध
लॅपटॉप,टॅबमध्ये इतर गोष्टींसोबत एज्युकेशन गेम्सही उपलब्ध आहेत. याचा उपयोग करून खेळातच बौद्धिक पातळी वाढण्याच्या दृष्टीने मुलांना मदत होऊ शकते.