आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

अन्न, वस्त्र, निवाऱ्याएवढेच इंटरनेट गरजेचे, प्रगत तंत्रज्ञान अवगत करावे

5 वर्षांपूर्वी
  • कॉपी लिंक
जळगाव - मानवाला चहू बाजूने इंटरनेटच्या महाजालने बंदिस्त केले आहे, हे शास्वत सत्य आहे. आज मानवाची अन्न, वस्त्र, निवारा इन्टरनेट ही चौथी गरज बनली आहे. जीवन जगताना पायाभूत सुविधांमध्ये तंत्रज्ञानाचा मोठ्या प्रमाणात शिरकाव झालेला आहे. मानवाशी निगडित कोणत्याही समस्येचे निराकरण करणारे साधन म्हणजे इन्टरनेट आहे. इंटरनेट वापरासाठी उपयोगात आणली जाणारी संसाधनाच्या वापरात मानव अग्रेसर होत आहे. त्यामुळे इंटरनेट माध्यम हाच मानवी विचार आहे, असे मत व्हीआयटी कॉलेज, पुणे संगणक विभाग प्रमुख प्रा. डॉ. सचिन साखरे यांनी व्यक्त केले. 
 
जी. एच. रायसोनी इन्स्टिट्यूट ऑफ बिझनेस मॅनेजमेंटमध्ये एम. सी. ए. विभाग उ. म. वि. बीसीयूडीच्या सौजन्याने ‘रिसेंट ट्रेन्स इनोव्हेशन कॉम्प्युटर सायन्स आणि इन्फर्मेशन टेक्नोलॉजी’ या विषयावर रोजी राष्ट्रीय परिषद झाली. परिषदेत शिक्षण विभागातून प्राध्यापक, रिसर्च स्कॉलर, विद्यार्थी उद्योग क्षेत्राशी संबंधित संशोधकांनी शोधनिबंध सादर केले.
 
त्याचबरोबर शोधनिबंधांच्या सीडीचे प्रकाशन मान्यवरांच्या हस्ते करण्यात आले. परिषदेस प्रमुख पाहुणे म्हणून डीएनसीव्हीपी महाविद्यालयाचे प्राचार्य डॉ. आर. बी. वाघुळदे सेन्ट्रोनिक्स कॉम्प्युटरचे मुख्य कार्यकारी अधिकारी उमेश सेठिया, संचालिका डॉ. प्रीती अगरवाल हे उपस्थित हाेते. 
परिषदेत संशोधकांनी ई-कॉमर्स, ई-गव्हर्नन्स, क्लाउड सर्व्हिसेस, बिगडेटा- ऍप्लिकेशन आणि चॅलेंजेस, आर्टिफिशल इंटेलिजन्स, डाटा वेअरहाऊझिंग अशा विविध विषयांवर शोधनिबंध सादर केले. प्रा. विजय गर्गे यांनी सूत्रसंचालन केले. प्रा. कल्याणी नेवे यांनी अाभार मानले. परिषदेस समन्वयक म्हणून प्रा. रफिक शेख, प्रा. श्वेता फेगडे, प्रा. गौरव जैन, प्रा. भूषण राठी, प्रा. नीलम सोनार, प्रा. रूपाली ढाके यांचे सहकार्य लाभले. 

सध्या सर्वत्र चर्चित असलेला विषय किंवा जोरदार काम सुरू असलेला प्रकल्प म्हणजे डिजिटल इंडिया आहे. डिजिटल होण्यासाठी मानवाला प्रगत तंत्रज्ञान अवगत करून घेणे महत्त्वाचे आहे. व्यवहारिक जीवन जगताना तंत्रज्ञानाची प्राथमिक ओळख सर्वाना असणेही गरजेचे आहे, असे डॉ. आर. बी. वाघुळदे यांनी सांगितले. व्यवसाय वाढीसाठी तंत्रज्ञानाची जोड उद्योग क्षेत्रात भर घालणारी आहे. या क्षेत्रात विद्यार्थ्यांना रोजगाराच्या अनेक संधी उपलब्ध असून विद्यार्थ्यांनी व्यावसायिक दृष्टिकोन ठेवला पाहिजे, असे मत उद्योग क्षेत्रातील उमेश सेठिया यांनी व्यक्त केले. 
बातम्या आणखी आहेत...