नाशिकमध्ये मुसळधार पाऊस; कुलकर्णी गार्डनसमोर कारवर झाड कोसळल्याने नुकसान

नाशिक- नाशिक शहरात मुसळधार पाऊस झाला आहे. अचानक आल्याने या पावसाने नागरिकांची तारांबळ उडाली. उपनगरांमध्ये पावसाचा जोर अधिक होता. त्यामुळे अनेक ठिकाणी पाणी साचले. रस्त्यावर पाणी साचल्याने वाहतूकीचा वेगही मंदावला होता. पावसामुळे कुलकर्णी गार्डनसमोर गाडीवर झाड कोसळल्याने एका कारचे नुकसान झाले आहे. सकाळी ऊन पडलेले असल्याने अनेकांनी पावसापासून बचाव करण्यासाठी सोबत काहीही घेतले नव्हते. या सगळ्यांनाच पावसाचा फटका बसला. अनेक ठिकाणी झाडे कोसळल्याच्या घटना घडल्या आहेत.