बाळासाहेबांनी जैन धर्माच्या विचारांनी प्रभावित होऊन सोडले होते नॉनव्हेज

पुणे- जैन पर्यूषण पर्वाच्या काळात राज्यात मांसविक्री बंदीवरुन निर्माण झालेल्या वादावरून राजकारण तापले आहे. मुंबई अनेक ठिकाणी मांस विक्री बंदीच्या राज्य सरकारच्या निर्णयाला शिवसेनेसह मनसेने कडाडून विरोध केला आहे. परंतु, शिवसेना प्रमुख दिवंगत बाळासाहेब ठाकरे यांच्यासंदर्भात एक खुलासा समोर आला आहे.

बाळासाहेबांना नॉनव्हेज अत्यंत प्रिय होते. मात्र, जैन धर्माच्या विचारांनी प्रभावित होऊन त्यांनी चक्क नॉनव्हेज खाणे सोडून दिले होते, असा खुलासा पुण्यातील प्रसिद्ध बांधकाम व्यावसायिक अगस्ती कानिटकर यांनी एका मुलाखतीत केला होता. कानिटकर हे व बाळासाहेबांचे मित्र आहेत. त्यांनी बाळासाहेबांच्या निधनानंतर एका मुलाखतीत एक किस्सा सांगितला होता.

बाळासाहेबांनी अचानक सोडले नॉनव्हेज
कानिटकर यांनी सांगितल्याप्रमाणे, राज्याच्या राजकारणात सक्रीय होण्याआधी बाळासाहेब हे पत्नी मीना ठाकरे यांच्यासोबत नेहमी पुण्याला येत असत. मुकुंद नगरातील समर्थ अपार्टमेंटच्या पाचव्या मजल्यावरील फ्लॅटमध्ये ते राहात असत. बाळासाहेबांना नॉनव्हेज अत्यंत प्रिय होते. परंतु, मुंबईत जैन धर्माच्या एका कार्यक्रमात ते सहभागी झाले आणि त्यानंतर त्यांनी अचानक नॉनव्हेज खाणे सोडून दिले. शाकाहार घेण्याचा त्यांनी निर्धार घेतला आणि तो शेवटपर्यंत पाळला.

खवैय्ये होते बाळासाहेब