आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

Blog: दाभोळकर कुटुंबीय एक अजब रसायन, वाचा नरेंद्र दाभोलकरांच्या बंधूंनी लिहिलेला लेख

5 वर्षांपूर्वी
  • कॉपी लिंक
आम्ही सात भाऊ आणि तीन बहिणी. आजच्या मुलांचा विश्वासही बसणार नाही, पण एकाच आईच्या पोटात जन्मलेली! माझी आई एकूणच ग्रेट होती. ती नेहमी अभिमानाने सांगायची, ‘मला दहा मुले आहेत. एकासारखा दुसरा नाही-आणि माणसासारखा एकही नाही!’
हे जे काही असे झाले असेल, त्याला पूर्णपणे जबाबदार माझे आई-वडीलच. आज कुणाचाही विश्वास बसणार नाही, असे ते विलक्षण जोडपे होते. 1920च्या सुमारास माझे वडील कोकणातील खेड्यातून आपले कर्तृत्व दाखवायला सातारला आले असणार. प्रचंड कष्ट उपसून ते त्या वेळी एल.एल.बी. झालेले. सातारा शहरात त्यांनी नामांकित फौजदारी वकील म्हणून आपला जम बसवला. त्या वेळच्या किंवा खरं तर आजच्याही रिवाजाप्रमाणे ते दत्तभक्त होते. दररोज माळावरच्या दत्ताचे दर्शन, घरी स्वत:च केलेली पूजा, वर्षातून दोनदा घरी आणि एकदा गाणगापूरला जाऊन करावयाचे पारायण. पण यात बसणार नाही, अशी आमच्या घरात एक ग्यानबाची मेख होती. माझी आई कोल्हापूरची. ती फक्त मराठी चौथीपर्यंत शिकलेली. पण चौथीच्या परीक्षेत ती कोल्हापूर राज्यात पहिली आलेली. तिच्यावरचे संस्कार राजर्षी शाहू महाराजांचे. तिचे घराणे प्रचंड बुद्धिमान. तो वारसा पण तिच्या आईकडून आलेल्या. तिच्या आईचे वडील तात्यासाहेब नाईक हे त्या वेळी जिल्हा न्यायाधीश होते. तिचा धाकटा भाऊ चक्क इंग्लंडमध्ये जाऊन बॅरिस्टर होऊन आला. मुंबई उच्च न्यायालयाचे नावाजलेले हायकोर्ट जज्ज तेंडुलकर ते हेच. ते गेले, त्या वेळी आचार्य अत्रेंनी मराठाच्या पहिल्या पानावर आठ कॉलमचा भला मोठा मथळा टाकला होता. ‘दुर्दैवी महाराष्ट्रा तुझा न्यायमूर्ती रामशास्त्री आज गेला रे...’
पुढील स्लाईडवर वाचत रहा...