साताराच्या विनयवर संशय; तावडेच्या सीबीआय कोठडीत 20 जूनपर्यंत वाढ

पुणे- डॉ.नरेंद्र दाभाेलकर हत्याप्रकरणी सीबीआयने सनातनचा साधक डाॅ. वीरेंद्र तावडे याच्याविरुद्ध चौकशीचा फास आवळल्यानंतर या प्रकरणी नवीन माहिती हाती येत आहे. त्यानुसार, डाॅ. दाभाेलकरांच्या हत्येपूर्वी तीन महिने तावडेला एका अज्ञात व्यक्तीने ईमेल पाठवून डाॅ.दाभाेलकरांवर लक्ष्य केंद्रित करण्यास सांगितले होते. ही माहिती सीबीअायने गुरुवारी न्यायमूर्ती व्ही.बी.गुळवे पाटील यांच्या न्यायालयात दिली. दरम्यान, सीबीआयने न्यायालयात सहा संशयितांची नावे सादर केली असून यात सातारा जिल्ह्यातील विनय पवार हे नवीन नाव समोर आले आहे. दरम्यान, तावडेच्या पोलिस काेठडीत २० जूनपर्यंत वाढवण्यात आली आहे.