बलिष्ठ निझामाला नमवणाऱ्या पेशवा बाजीरावात होती भारताचा सम्राट होण्याची योग्यता

पेशवा बाजीरावने मराठी सत्तेचा भगवा महाराष्ट्राबाहेर नेत अतिशय सामर्थ्यवान समजल्या जाणाऱ्या मोगली सत्तेसमोर जबर आव्हान उभे केले होते. मोगली सत्तेचा वजीर आणि अनुभवी सेनानी निझामाला नाक धरुन शरण यायला लावले होते. स्वकियांचा विरोध मोडून काढत नेतृत्व सिद्ध केले होते. बाजीराव कायम शत्रुपक्षाच्या कच्च्या दुव्यांच्या शोधात राहायचा. संधी मिळताच जोरदार हल्ला चढवायचा. शक्तीपेक्षा युक्ती श्रेष्ठ या संकल्पनेचा पुरस्कार करणारा होता. झाडांच्या फांद्या छाटण्याऐवजी मुळावर घाव घालणारा होता.