राज ठाकरे जवखेडमध्ये, 1 लाखांची मदत; पीडित दलित कुटुंबियांची घेतली भेट

(छायाचित्र- मृत संजय जाधव व त्यांची पत्नी जयश्री)

 

 

 

जवखेडे खालसा या गावातील दलित जाधव कुटुंबातील आई, वडील व मुलगा अशा तिघांची हत्या करून मृतदेहांचे तुकडे करून विहिरीत फेकण्यात आले होते. ही घटना सोमवारी रात्री घडली. संजय जगन्नाथ जाधव (45), जयश्री संजय जाधव (42) व सुनील संजय जाधव (19) अशी त्यांची नावे आहेत. बाजरीची काढणी करण्यासाठी जाधव कुटुंब मागील आठवड्यापासून जवखेडे खालसाच्या पश्चिमेला तिसगाव-मिरी रस्त्यावरील तांबूळ देवाजवळील शेतात राहायला गेले होते. सोमवारी रात्री अज्ञात व्यक्तींनी घरात घुसून धारदार शस्त्राने वार करून या तिघांची हत्या केली होती. आरोपी माहीतगार असल्याचा पोलिसांचा संशय आहे. कारण दोन दिवसांपूर्वी अज्ञात व्यक्तीने जाधव यांच्या वस्तीवरील कुत्र्याला मारले होते. पोलिसांनी काहींना चौकशीसाठी ताब्यात घेतले आहे मात्र अद्याप यातून काहीही ठोस माहिती पुढे आलेली नाही. या घटनेनंतर अनेक दलित संघटनांनी व नेत्यांनी जवखेडे खालसा येथे जाऊन भेट घेतली होती व सांत्वन केले होते. राज ठाकरे यांनीही आज जाऊन भेट घेतली.