यवतमाळसाठी अधिकारी, बाकींचे काय?, शेतकरी नेत्यांचे सवाल

अमरावती - पायलट प्रोजेक्ट म्हणून निवडलेल्या यवतमाळ जिल्ह्यात यापुढेही शेतकर्‍यांनी आत्महत्या केल्यात, तर सात उपविभागांमध्ये नेमलेल्या सचिव दर्जाच्या अधिकार्‍यांना शिक्षा करणार का, असा सवाल शेतकरी नेत्यांनी शासनाला केला आहे. एकीकडे यवतमाळ जिल्ह्यात सचिव दर्जाच्या अधिकार्‍यांच्या नेमणुका करून दुसरीकडे विदर्भातील आत्महत्याग्रस्त भाग म्हणून शिक्कामोर्तब झालेल्या अमरावती, अकोला, बुलडाणा, वाशीम आणि वर्धा या पाच जिल्ह्यांतील शेतकर्‍यांना मदत करण्याकरिता राज्य सरकारने काय उपाययोजना केल्या आहेत, याचाही अद्याप खुलासा झालेला नाही. यामुळे एका जिल्ह्यात मंत्रालयातील यंत्रणा राबवून अन्य जिल्ह्यातील शेतकर्‍यांच्या आत्महत्या फक्त उघड्या डोळ्यांनी बघायची भूमिका सरकारने स्वीकारली आहे का, असाही सवाल शेतकरी नेत्यांनी केला आहे.