Home | Maharashtra | Vidarva | Akola | Come Together For Unity Of Vidarbh, Deshmukh Urge In Divya Marathi Publish Eve

‘दिव्य मराठी’च्या अकोला आवृत्तीचे लोकार्पण, राज्यातील सहावी आवृत्ती प्रकाशित

प्रतिनिधी | Update - Jul 14, 2013, 12:28 PM IST

विदर्भाच्या विकासासाठी पायाभूत सुविधांची आवश्यकता आहे. यासाठी सर्वपक्षीय नेत्यांनी पुढाकार घेण्याची गरज अन्न व नागरी पुरवठा, ग्राहक संरक्षणमंत्री अनिल देशमुख यांनी व्यक्त केली.

  • Come Together For Unity Of Vidarbh, Deshmukh Urge In Divya Marathi Publish Eve

    अकोला - विदर्भाच्या विकासासाठी पायाभूत सुविधांची आवश्यकता आहे. यासाठी सर्वपक्षीय नेत्यांनी पुढाकार घेण्याची गरज अन्न व नागरी पुरवठा, ग्राहक संरक्षणमंत्री अनिल देशमुख यांनी व्यक्त केली. दैनिक दिव्य मराठीच्या राज्यातील सहाव्या आणि विदर्भातील पहिल्या अकोला आवृत्तीच्या प्रकाशनप्रसंगी ते बोलत होते. प्रमिलाताई ओक सभागृहात शनिवारी दुपारी एक वाजता आयोजित लोकार्पण सोहळ्याप्रसंगी अकोलेकरांनी ‘दिव्य मराठी‘वर शुभेच्छांचा वर्षाव केला.


    दैनिक भास्कर देशातील सर्वात मोठा वृत्तपत्र समूह आहे. हिंदी, गुजराती, इंग्रजी आणि मराठी या चार भाषांमध्ये वृत्तपत्र प्रकाशित करीत ‘दिव्य मराठी’ने वृत्तपत्र क्षेत्रातील आपले स्थान बळकट केल्याचे देशमुख म्हणाले. विदर्भाच्या विकासासाठी सर्वपक्षीय नेत्यांनी पुढाकार घ्यावा, असे आवाहन करतानाच विकासात वृत्तपत्रांचेही योगदान महत्त्वाचे असल्याचे ते म्हणाले.


    व्यासपीठावर रोजगार हमी योजना मंत्री नितीन राऊत, अमरावतीचे खासदार आनंदराव अडसूळ, अकोल्याचे खासदार संजय धोत्रे, दैनिक दिव्य मराठीचे मुख्य संपादक कुमार केतकर, भास्कर समूहाचे अध्यक्ष रमेशचंद्र अग्रवाल, संचालक सुमीत अग्रवाल, बिझनेस स्टेट हेड निशित जैन, आमदार गोवर्धन शर्मा, आमदार गोपीकिशन बाजोरिया, आमदार वसंतराव खोटरे उपस्थित होते. ‘दिव्य मराठी’तर्फे प्रमुख पाहुण्यांना सन्मानचिन्ह प्रदान करण्यात आले. सूत्रसंचालन ‘दिव्य मराठी’चे स्टेट एडिटर अभिलाष खांडेकर यांनी केले, तर निवासी संपादक प्रेमदास राठोड यांनी आभार मानले. या प्रसंगी मान्यवरांनी ‘दिव्य मराठी’च्या वाटचालीस शुभेच्छा दिल्या. अकोला आवृत्तीच्‍या लोकार्पण सोहळयाचे फोटो आणि मान्‍यवरांचे भाषण वाचण्‍यासाठी क्लिक करा पुढच्‍या स्‍लाईडला...

  • Come Together For Unity Of Vidarbh, Deshmukh Urge In Divya Marathi Publish Eve

    सबसे बडी अदालत जनता की (रमेशचंद्र अग्रवाल चेअरमन भास्कर वृत्तपत्र समूह)



    अकोल्याचा विकास करायचा असेल, तर अकोल्यावरून नागपूर तीन तासांत गाठता यायला हवे. सध्याच्या काळात जग किलोमीटरवर नव्हे, तर घड्याळाच्या काट्यावर चालत आहे. त्यामुळे नागपूरवरून अकोल्यापर्यंत येण्यासाठी चांगल्या रस्त्याची गरज आहे.

    प्रवासात जास्त वेळ लागत असल्यास मानसिक अस्वस्थता वाढते. येथील विमानतळाचा विकास करण्याची गरज आहे. मध्य प्रदेशातील उज्जैन, सागरप्रमाणे येथे हवाई प्रशिक्षण अकादमी सुरू व्हावी. 1972 मध्ये मी अकोल्याला आलो होतो. त्यावेळी माझ्या आठवणी आज पुन्हा ताज्या झाल्यात. त्यावेळी स्वातंत्र्य सेनानी (कै.) ब्रिजलालजी बियाणी यांच्या वृत्तपत्रात रशियन बनावटीचे छपाई यंत्र होती. तेंव्हा ‘दैनिक भास्कर’ची छपाई सिलिंडरच्या छपाई यंत्रावर होत होती. बियाणी यांच्याकडून प्रेरणा घेऊन या प्रकारचे छपाई यंत्र विकत घेत भास्कर समूहाने ग्वाल्हेर आवृत्ती सुरू केली. अशा वेळी भास्कर समूहाच्या विकासात अकोल्याचे योगदान आहे, या शहराशी माझ्या अनेक आठवणी जुळलेल्या आहेत. दैनिक भास्कर समूहाच्या प्रगतीचे रहस्य काय? अशी विचारणा अनेकदा होते. 1999 पासून दैनिक भास्कर नंबर वन वर आहे. नागरिकांना दिलेले वचन पूर्ण करण्यासाठी लोकप्रतिनिधींना. पाच वर्ष संधी मिळते. मात्र, वृत्तपत्रांना ही कसरत दररोज करावी लागते. भास्कर समूहाने हेच नियम, नागरिकांना दिलेले वचन पूर्ण केले. त्यामुळे हे वृत्तपत्र नंबर वन वर आहे. वृत्तपत्राला वाचकांच्या मनात स्थान मिळवण्यासाठी त्यांच्या कसोटीवर उतरावे लागते. जनतेची अदालत ही सर्वात मोठी आहे. त्यांच्याएवढे ज्ञान कुणालाही नसते. त्यांच्याकडे दुर्लक्ष करून चालत नाही. राजकारणी आणि नेत्यांनी याकडे लक्ष दिल्यास त्यांना त्यांच्या राजकीय प्रवासात कोणतीही अडचण येणार नाही. निर्भीड, नि:पक्ष वृत्तीमुळे दैनिक भास्कर वृत्तपत्र समूहाला देशभर जनतेचे पाठबळ मिळाले आहे.

    सूर्य जसा आपला प्रकाश देताना कोणताही भेदभाव करीत नाही, अगदी त्याच प्रमाणे दैनिक भास्कर समूहातील दैनिक दिव्य मराठीदेखील वाचकांशी कधीही भेदभाव करणार नाही. मराठीमध्ये दैनिक सुरू करताना मनात किंचित भीती होती. कारण मराठीतील वाचक हे संवेदनशील आहेत. गुजराती, इंग्रजी आणि हिंदी वाचकांनी भास्कर समूहाला स्वीकारले. त्यानंतर मराठी वाचकांनी दैनिक दिव्य मराठीलादेखील आपल्या हृदयात स्थान दिले. यामुळे मी मराठी वाचकांचे आभार मानतो. केवळ वर्तमानपत्र काढणे दैनिक भास्कर समूहाचा उद्देश नाही. अकोला शहराचा विकास व्हावा, येथील नागरिकांचा तो बुलंद आवाज बनावा. असा आमचा प्रयत्न आहे. यासाठी वाचकांच्या सहकार्याची गरज आहे. अकोल्यातील वाचकही जागरूक आहेत. शहराच्या विकासासाठी ‘दिव्य मराठी’ सदैव त्यांच्या सोबत आहे.

  • Come Together For Unity Of Vidarbh, Deshmukh Urge In Divya Marathi Publish Eve

    वृत्तपत्रांचे स्थान अजूनही अबाधित - कुमार केतकर
    भारतात सर्वाधिक वृत्तवाहिन्या आहेत. त्यावर बातम्यांचा अखंड प्रवाह सुरू असतो. मात्र, तिथे आवडीची बातमी पाहण्यासाठी वाट बघावी लागते. आयपॅड, फोनवर बातम्यांचे विश्लेषण येत नाही,  त्यासाठी वर्तमानपत्र महत्त्वाचे माध्यम आहे, तसेच त्याचे स्थान अबाधित आहे.  बातमीमागची बातमी, घटनेचे निरूपण, भविष्याचा वेध वृत्तपत्रात घेता येतो. यामुळे अद्यापही वाचकांच्या मनात वृत्तपत्रांविषयी अनन्यसाधारण महत्त्व आहे. खासगी वाहिन्यांच्या आगमनाच्या काळात म्हणजेच  1992 मध्ये दैनिक भास्करची भरभराट झाली. वाहिन्यांवरील बातम्यांमुळे समाधान होत नाही, कारण वाहिन्यांवर चॉइस नाही. गाव, शहर आणि जिल्ह्यातील बित्तंबातमी दूरचित्रवाणीवर आली तरी तो बातमीचा छोटा ट्रेलर असतो, त्यामुळे नागरिक बातम्यांसाठी वृत्तपत्राची प्रतीक्षा करतात. दैनिक दिव्य मराठीमध्ये वाचकांच्या तक्रारी, हरकती, सूचना आणि अपेक्षांची दखल घेतली जाईल, असे केतकर म्हणाले.

  • Come Together For Unity Of Vidarbh, Deshmukh Urge In Divya Marathi Publish Eve

    ‘दिव्य मराठी’बौद्धिक खाद्य देणारी सात्त्विकथाळी- संजय धोत्रे, खासदार, अकोला

    दैनिक ‘दिव्य मराठी’ हे एक बुके आणि बुफे असल्याचा उल्लेख काही मान्यवर वक्त्यांनी केला. मात्र, या दैनिकातील बातम्यांचे अवलोकन केले असता, ते ‘बुके’ आणि ‘बुफे’ही नाही, तर समतोल बौद्धिक खाद्य देणारी ‘सात्त्विक थाळी’ आहे, असे मी मानतो. उठसूट कोणाच्याही मागे लागून त्याला झोडपणे हे चांगल्या पत्रकारितेचे लक्षण नाही. आज सर्वत्र अविश्वासाचे वातावरण आहे. अशा परिस्थितीत ‘दिव्य मराठी’ची जबाबदारी वाढली आहे. लोकप्रतिनिधींकडे विकासाचे प्रश्न घेऊन येणार्‍यांची संख्या नगण्य आहे. दैनिक भास्कर समूहाचे चेअरमन रमेशचंद्र अग्रवाल यांनी सुचवलेली विमानतळ विस्तार, महामार्गाचे विस्तारीकरण, रस्ते विकास आदी कामे करण्यात आम्हाला आनंदच वाटेल. याचा निश्चितच फायदा अकोल्यातील वाचकांना होईल यात शंका नाही.

  • Come Together For Unity Of Vidarbh, Deshmukh Urge In Divya Marathi Publish Eve

    वृत्तपत्रांतील खास‘पॅकेज’च्या विरोधात संसदेत खासगी बिल- आनंदराव अडसूळ, खासदार, अमरावती

    नि:पक्ष, निर्भीड पत्रकारिता ब्रीद असलेल्या ‘दिव्य मराठी’च्या विदर्भातील आगमनाने निवडणूक काळात वृत्तपत्रांकडून केल्या जाणार्‍या ‘पॅकेज’च्या मागणीला चपराक बसणार आहे. ‘आयुष्यात मी प्रामाणिकपणा पाळला. टक्केवारीची भाषा मी कधीही केली नाही. निवडणुकींच्या काळात केल्या जाणार्‍या पॅकेज, पीत पत्रकारितेच्या विरोधात संसदेच्या सभागृहात मी एक खासगी विधेयक (बिल) मांडले आहे. दिव्य मराठीच्या नि:पक्ष, निर्भीड पत्रकारितेमुळे स्थानिक वृत्तपत्रांवरही ‘पॅकेज’ न घेण्यासाठी दबाव येणार आहे. याचा निश्चितच चांगला फायदा अकोल्यातील वाचकांना मिळणार आहे. ही दिव्य मराठीच्या विकासासाठी पूरक बाब ठरेल. दूरचित्रवाहिन्यांची संख्या कितीही वाढली तरी वृत्तपत्राचे समाजातील महत्त्व कमी होणार नाही.
     

  • Come Together For Unity Of Vidarbh, Deshmukh Urge In Divya Marathi Publish Eve

    विदर्भाच्या विकासासाठी पायाभूत सुविधांची गरज- अनिल देशमुख, अन्न व नागरी पुरवठा, ग्राहक संरक्षण मंत्री

    महाराष्ट्राच्या पाच आवृत्त्यांतील वाचकांच्या मनात स्थान मिळवल्यानंतर दैनिक दिव्य मराठीची विदर्भातील सुरुवात अकोल्यातून होत आहे, ही आनंदाची बाब आहे. अकोल्यानंतर अमरावती आणि तेथून नागपूर दूर नाही. वृत्तपत्र हे समाजाला वैचारिक आकार देण्याचे काम करतात. भास्कर समूहाचे अध्यक्ष रमेशचंद्र अग्रवाल पाच वर्षांपूर्वी येथे आले असते तर त्यांना नागपूर ते अमरावती  हा रस्ता त्या वेळी किती खराब होता ते दिसले असते. या महामार्गाच्या कामासाठी सर्वपक्षीय नेत्यांनी प्रयत्न केले, त्यामुळे आजचा चांगला रस्ता दिसून येत आहे. विदर्भात पायाभूत सुविधा उभारण्यासाठी सर्वपक्षीय नेत्यांनी प्रयत्न करण्याची गरज आहे. इलेक्ट्रॉनिक माध्यम ब्रेकिंग न्यूजमागे धावतात, त्यात ते कधी-कधी चुकीच्या बातम्या प्रसारित करतात. शासनाच्या योजना लोकांपर्यंत आणि लोकांच्या अडीअडचणी शासनापर्यंत पोहोचवण्याचे वृत्तपत्र महत्त्वाचे माध्यम आहे.

    कृषी विद्यापीठातील शरद सरोवराची आठवण
    विमानतळाच्या धावपट्टीच्या विकासासाठी राष्‍ट्रवादी कॉँग्रेसचे ज्येष्ठ नेते शरद पवार यांच्या नावाने असलेल्या कृषी विद्यापीठातील शरद सरोवराचा उपयोग झाल्यास पवारांना आनंद होईल. कृषी विद्यापीठातील बैठकीदरम्यान उपमुख्यमंत्री अजित पवार यांनी या सरोवराचा उपयोग करण्यास काहीही हरकत नाही, अशी भूमिका मांडली. त्याचा निश्चितच फायदा होईल यात शंका नाही.

  • Come Together For Unity Of Vidarbh, Deshmukh Urge In Divya Marathi Publish Eve

    वृत्तपत्रांची विश्वासार्हता समाजात अद्यापही टिकून- नितीन राऊत, रोजगार हमी योजना, जलसंधारणमंत्री

    राज्याच्या अर्थसंकल्पात मराठवाड्यावर झालेल्या अन्यायाला वाचा फोडण्यासाठी ‘दिव्य मराठी’च्या औरंगाबाद आवृत्तीने ‘मराठवाड्याचा दोष काय?’ या मालिकेद्वारे मांडलेले वास्तव मराठवाड्याच्या विकासाला दिशादर्शक ठरले. तसाच प्रयत्न ‘दिव्य मराठी’ने विदर्भाच्या विकासासाठी करावा. नागपूर येथील मिहान प्रकल्पासाठी जागा अपुरी पडत असल्याने येथील काही प्रकल्प अमरावती येथे स्थानांंतरित होण्याची शक्यता आहे. अकोला विमानतळाची धावपट्टीही मोठी करण्याची गरज आहे. त्यासाठी डॉ. पंजाबराव देशमुख कृषी विद्यापीठाने जागा उपलब्ध करून द्यावी. स्वातंत्र्यसैनिक ब्रिजलाल बियाणी यांच्या नावाने ओळखला जाणारा अकोला जिल्हा ‘बियाण्यां’चे शहर म्हणूनही ओळखला जातो. बियाण्यांच्या रूपाने अकोल्याने क्रांती केली. तसेच शेतीच्या विकासासाठी डॉ. पंजाबराव देशमुख कृषी विद्यापीठाच्या माध्यमातून होणारे संशोधन पुढे नेण्याच्या दृष्टीने ‘दिव्य मराठी’ने हातभार लावावा. नागपूर-अकोला महामार्गाचे चौपदरीकरण झाले तर, परिणामी उद्योगधंदे शहरात येतील. वृत्तपत्रांची विश्वासार्हता आणि प्रामाणिकपणा अद्यापही समाजमानसात टिकून आहे. निश्चितच दिव्य मराठी अकोल्यातही वाचकांच्या मनात हाच विश्वास कायम राखण्यात यशस्वी होईल आणि वाचकांना नवीन काही वाचायला मिळेल.

  • Come Together For Unity Of Vidarbh, Deshmukh Urge In Divya Marathi Publish Eve

    शिवसेनेचे खासदार आनंदराव अडसूळ आणि भाजपचे आमदार गोवर्धन शर्मा यांच्यात सभागृहात सुरू असलेल्या गुफ्तगूने अनेकांचे लक्ष वेधले.
     

  • Come Together For Unity Of Vidarbh, Deshmukh Urge In Divya Marathi Publish Eve

    कॉँग्रेसच्या ज्येष्ठ पदाधिकारी सुहासिनी देवी गोयनका आणि नगरसेविका उषा विरक यांचीही कार्यक्रमास प्रमुख उपस्थिती होती.

  • Come Together For Unity Of Vidarbh, Deshmukh Urge In Divya Marathi Publish Eve


    भास्‍कर समुहाचे चेअरमन रमेशचंद्र अग्रवाल, खासदार संजय धोत्रे जणू नामदार अनिल देशमुख यांना अकोल्‍याचा विकास तुमच्‍याच हातात असल्‍याचे खूणावत आहेत.

  • Come Together For Unity Of Vidarbh, Deshmukh Urge In Divya Marathi Publish Eve


    मान्‍यवरांच्‍या उपस्थितीत दीपप्रज्‍वलनाने लोकार्पण सोहळयाचे उद्‍घाटन झाले.

     

    कार्यक्रम दृष्टिक्षेपात..

    0 कार्यक्रमाच्या प्रवेशद्वारावर तसेच शहरातील चौका चौकात ‘दिव्य मराठी’च्या स्वागतासाठी आकर्षक रांगोळ्या काढण्यात आल्या होत्या.

    0 लोकार्पण सोहळ्यास उपस्थित मान्यवरांचे तुतारी वाजवून आणि पुष्पवृष्टी करून स्वागत करण्यात आले.

    0 कार्यक्रमास लोकप्रतिनिधी, कार्यकर्ते, अधिकारी, व्यापारीवर्गाची लक्षणीय उपस्थिती होती.

    0 ‘एक चिटी हाथी को परास्त कर सकती हैं’ हे रोजगार हमी मंत्री नितीन राऊत यांचे वक्तव्य बरेचकाही सांगून गेले.

    0 भास्कर वृत्तपत्र समूहाचे चेअरमन रमेशचंद्र अग्रवाल यांना शहरातील अनेक मान्यवर व्यक्ती तसेच संस्थांचे पदाधिकारी यांनी भेटून त्यांच्याशी संवाद साधला. तसेच त्यांना दिव्य मराठीतील अकोल्यातील वाटचालीसाठी शुभेच्छा दिल्या.

    0 कार्यक्रमास शहरातील व्यापारी, डॉक्टर, सरकारी अधिकारी, विद्यार्थी, महिलांची मोठय़ा संख्येने उपस्थिती होती. प्रकाशन सोहळ्याप्रसंगी मान्यवर तसेच उपस्थितांनी ‘जय हो’ या उद्‍घाटन अंकाचे स्वागत केले.

Trending