Home | Maharashtra | Vidarva | Akola | tadipaar notice for bjp corporater

जनहितासाठीचे आंदोलन भोवणार, भाजपच्‍या नगरसेवकांना हद्दपारीची नोटीस

प्रतिनिधी | Update - Jul 14, 2013, 11:10 AM IST

'पार्टी विथ डिफरन्स’चा टेंभा मिरवणार्‍या भाजपच्या तीन नगरसेवकांच्या हद्दपारीच्या अनुषंगाने चौकशी करण्याचे आदेश उपविभागीय दंडाधिकार्‍यांनी उपविभागीय पोलिस अधिकार्‍यांना दिले आहेत

  • tadipaar notice for bjp corporater

    अकोला- ‘पार्टी विथ डिफरन्स’चा टेंभा मिरवणार्‍या भाजपच्या तीन नगरसेवकांच्या हद्दपारीच्या अनुषंगाने चौकशी करण्याचे आदेश उपविभागीय दंडाधिकार्‍यांनी उपविभागीय पोलिस अधिकार्‍यांना दिले आहेत. त्यानुसार, चौकशीला प्रारंभ झाला आहे, तसेच यामध्ये राष्ट्रवादी काँग्रेसच्या एका नगरसेवकाचाही समावेश आहे.

    सर्वपक्षीय नगरसेवक आणि महापालिका प्रशासनामुळे शहर विकासाचे तीनतेरा वाजले आहेत. महापालिकेची एकही सभा गोंधळाविना पार पडत नाही. विरोधक आणि सत्ताधारी कुरघोडीचे राजकारण करण्यातच धन्यता मानतात. जनहिताचा देखावा करीत विरोधी पक्षांचे नगरसेवक सभागृहातील लढाई रस्त्यावरही लढतात. अशावेळी कायदा सुव्यवस्थेचा प्रश्न निर्माण होतो. वेळोवेळी केलेल्या आंदोलनांमुळे विरोधी नगरसेवकांविरुद्ध गुन्हेही दाखल होतात. पोलिसांनी दखलपात्र, अदखलपात्र गुन्हे दाखल असलेल्या चार नगरसेवकांविरुद्ध हद्दपारीची कारवाई करण्याच्या हालचाली सुरू केल्या आहेत.

    पोलिस प्रशासनाने भाजपचे नगरसेवक अजय रमेशचंद्र शर्मा, राजेश्वरी जगदीश शर्मा, सुरेश अंधारे आणि राष्ट्रवादी काँग्रेसचे नगरसेवक मोहंमद फजील उर्फ फजलू अब्दुल करीम यांच्याविरुद्धचा प्रस्ताव उपविभागीय दंडाधिकार्‍यांकडे सादर केला. उपविभागीय दंडाधिकार्‍यांनी हा प्रस्ताव चौकशीसाठी उपविभागीय पोलिस अधिकार्‍यांकडे पाठवला आहे. त्यानुसार उपविभागीय पोलिस अधिकारी कार्यालयाने त्यांची चौकशी सुरू केली आहे. संबंधित नगरसेवकांना नोटीसही बजावण्यात आली आहे.

    दरम्यान, नोटीस मिळालेल्या अजय शर्मा यांनी उपविभागीय पोलिस अधिकार्‍यांकडे गुन्ह्याबाबत माहिती अधिकारांतर्गत माहिती मागवली आहे. ही माहिती मिळाल्यानंतर आपली भूमिका स्पष्ट करू, असेही त्यांनी सांगितले.

  • tadipaar notice for bjp corporater

    राजेश्वरी शर्मा

    जनतेसाठीच आंदोलन

    जनतेने विकासासाठी निवडून दिले आहे. विकासकामे होत नसल्याने आंदोलने केली. त्यामुळेच गुन्हे दाखल करण्यात आले. जनतेसाठी कोणताही लढा लढेन. नोटीसनुसार जबाब सादर केला आहे.

    गुन्हे दाखल..
    353 (धमकी देऊन लोकसेवकाला काम करण्यापासून परावृत्त करणे), 294, 504 (अपमान करणे), 506 (धमकी देणे)
    143 (बेकायदेशीर जमावाचा घटक होणे), 426 (आगळीक करणे)
    120 (ब) (कटकारस्थान रचणे) 143, 147 (दंगा करणे), 148 (प्राणघातक हत्यार घेणे), 149 (समान उद्दिष्टासाठी बेकायदेशीर जमावाचा घटक होणे) 4) 143, 341
     

  • tadipaar notice for bjp corporater

    मोहंमद फजील

    राजकीय द्वेषापोटी तक्रार
    राजकीय द्वेषापोटी तक्रारी करण्यात आल्या. थेट एफआयआरमध्ये नाव नाही. दंगलीमध्ये मी नागरिकांचा जीव वाचवला. फेसबुकप्रकरणी झालेल्या दंगलीत गोवण्यात आले. कायदेशीर लढा लढू.

    गुन्हे दाखल..
    1)143, 147, 148, 149, 395 (दरोडा), 397 (जबरी चोरीसाठी हत्याराचा वापर करणे), 336 ( इतरांची व्यक्तिगत सुरक्षा धोक्यात आणणे), 337, 323 ( दुखापत पोहोचवणे). 02) 420
    03) 147, 148, 149, 307 (प्राणघातक हल्ला), 397, 324, 323, 504, 506 0 4) 147, 148, 149, 395, 436, 332, 336, 427, 307
     

  • tadipaar notice for bjp corporater

    सुरेश अंधारे
    खटला न्यायप्रविष्ट
    सर्व राजकीय गुन्हे आहेत. खटले न्यायप्रविष्ट आहेत. जनतेच्या मागण्यांसाठी आंदोलन केल्याने गुन्हे दाखल करण्यात आले.

    गुन्हे दाखल..
    353, 294, 504, 506, 186 (लोकसेवकाला अटक करणे)
    2) 420 (फसवणूक करणे) 468 (बनावट दस्तऐवज तयार करणे) 471, 34 (बनावट दस्तऐवज खरा म्हणून वापरणे)
     

  • tadipaar notice for bjp corporater

    अजय शर्मा
    आंदोलनामुळेच नोटीस
    गुन्ह्यांमध्ये मी मुख्य आरोपी नाही. जनहितासाठी केलेल्या आंदोलनामुळे द्वेषापोटी तक्रारी करण्यात आल्या.

    गुन्हे दाखल..
    1)353, 186, 294, 506, 34 2) 143
    3)143, 135 5) 143, 427 (नुकसान करणे) 6) 143, 353, 451 (गृह अतिक्रमण करणे)
     

Trending