आयुक्तांची रस्त्याच्या कामावर करडी नजर, काम जलदगतीने करण्याच्या सूचना

रस्त्याची रुंदी वाढवण्यासाठी आयुक्त अजय लहाने यांनी विद्युत खांब हटवण्याचा निर्णय घेतला. यासोबतच काही झाडेही काढावी लागली. परंतु, रस्ता रुंदीकरणासाठी हा निर्णय घेणे गरजेचे होते. तूर्तास विद्युत खांब हटवण्याचे काम जवळपास पूर्ण झाले असून, झाडे काढली गेली असली तरी झाडांची मुळं कंत्राटदारासाठी डोकेदुखी ठरले आहेत. दोन दिवसांपासून झाडांची मुळं काढण्याचे काम सुरू आहे. परंतु, खोड मोठ्या आकाराचे असल्याने जेसीबी मशीनही हतबल झाल्या आहेत. ही बाब लक्षात घेऊन आयुक्तांनी या कामासाठी स्वतंत्र जेसीबी मशीन लावण्याची सूचना कंत्राटदाराला केली. त्याचबरोबर खोदकामही जलदगतीने करण्याची सूचना केली.

जलवाहिनीसहकेबलही निकामी : रस्त्याच्याखोदकामात नियमानुसार साडेचार ते पाच फूट खोल केबल टाकल्या गेले नाहीत. केबल दीड फूट खोलीवर टाकल्याने रस्त्याच्या खोदाईत केबल तुटल्या गेले तर झाडाची मुळं काढताना काही जलवाहिन्याही निकामी झाल्या. या जलवाहिन्या जोडण्याचे आदेशही आयुक्तांनी पाणीपुरवठा विभागाला दिले.