विदर्भवीर माजी खासदार जांबुवंतराव धोटे यांना अखेरचा निराेप

यवतमाळ - विदर्भवीर माजी खासदार जांबुवंतराव धोटे यांच्या पार्थिवावर रविवारी दुपारी यवतमाळपासून काही अंतरावर असलेल्या पिप्री लासिना या त्यांच्या मूळ गावी अंत्यसंस्कार करण्यात आले. या वेळी राजकीय व सामाजिक क्षेत्रातील लाेक बहुसंख्येने उपस्थित हाेते.   

 

जांबूवंतराव धोटे यांच्या पार्थिवावर रविवारी सकाळी अंत्यसंस्कार करण्यात येणार आहेत. सकाळी दहा वाजता यवतमाळ येथून त्यांची अंत्ययात्रा निघणार असून, त्यांच्या पिंपरी लासिना या गावी त्यांच्या पार्थिवावर अंत्यसंस्कार होणार आहे. 

विदर्भ राज्य निर्मितीच्या आंदोलनातील सच्चा नेता हरपला- सुधीर मुनगंटीवार 

विदर्भवीर जांबुवंतराव धोटे यांच्या निधनाने विदर्भ राज्य निर्मितीच्या आंदोलनातील सच्चा नेता हरपला असल्याची भावना राज्याचे अर्थमंत्री सुधीर मुनगंटीवार यांनी व्यक्ती केली आहे.

मुनगंटीवार यांनी आपल्या शोकसंदेशात म्हटले की, विधानसभा सदस्य, लोकसभा सदस्य म्हणून त्यांनी केलेली कामगिरी बघता त्यांच्यातील कर्तव्यदक्ष लोकप्रतिनिधी आपल्याला ठळकपणे दिसतो. वेगळ्या विदर्भ राज्य निर्मितीच्या आंदोलनात त्यांनी स्वतःला झोकून दिले होते. सर्वसामान्य जनतेच्या प्रश्नांच्या सोडवणुकीसाठी त्यांनी सतत संघर्ष केला. सर्वसामान्य जनतेच्या सुख-दुःखाशी समरस होत त्यांनी नेहमीच निर्धाराने निक्षून त्यांची बाजु जनतेच्या दरबारात, विधिमंडळात, संसदेत मांडली. एक सर्जनशील कलावंत त्यांच्यात दडला होता. अशा या थोर बहुआयामी नेत्याच्या निधनाने सामाजिक, राजकीय क्षेत्राची मोठी हानी झाल्याचे सुधीर मुनगंटीवार यांनी म्हटले आहे.