आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • 4 People Were Killed In Accidents, People Burned Truck

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

नागपूर जिल्‍ह्यात अपघातांत ४ जण ठार, जमावाने ट्रक जाळला

5 वर्षांपूर्वी
  • कॉपी लिंक
प्रतीकात्‍मक छायाचित्र - Divya Marathi
प्रतीकात्‍मक छायाचित्र
नागपूर - दोन वेगवेगळ्या रस्ते अपघातांत चौघांचा मृत्यू झाल्याची घटना मंगळवारी घडली. मृतांत दीड वर्षीय चिमुरड्यासह आईचा समावेश आहे.

पहिली घटना नागपूरच्या वाडी पोलिस ठाण्याच्या हद्दीत घडली. मनोज जोहर व निलेश हे दुचाकीने अमरावतीकडे जात असताना पाठीमागून एका ट्रकने दुचाकीला जोरदार धडक दिली. यात दोघांचाही घटनास्थळीच मृत्यू झाला. दुसरी घटना नागपूर-जबलपूर मार्गावरील पिवळी नदी परिसरात घडली. अमोल गोंडुले हे पत्नी रजनी तसेच मन व मानव या दोन्ही मुलांना घेऊन मावशीकडे जात होते. पिवळी नदीजवळ रस्ता ओलांडत असताना भरधाव ट्रकने त्यांना धडक दिली. यात रजनी गोंडुले व दीड वर्षांच्या मनचा घटनास्थळीच मृत्यू झाला. तर अमोल आणि मानव हे जखमी झाले असून त्यांच्यावर खासगी रुग्णालयात उपचार सुरू आहेत. या अपघातानंतर संतप्त जमावने अपघातातील ट्रक जाळले. परिसरात तणावाचे वातावरण निर्माण झाले. त्यामुळे जमावाला पांगवण्यासाठी पोलिसांनी लोकांवर सौम्य लाठीमार केला.