आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

लग्नाचे वचन देऊन अल्पवयीन मुलीवर बलात्कार करणाऱ्या BJP नेत्याला अटक

4 वर्षांपूर्वी
  • कॉपी लिंक
अल्पवयीन मुलीला लग्नाचे वचन देऊन वारंवार बलात्कार केल्याच्या आरोप असलेला भाजप नेता. (लाल वर्तुळात) - Divya Marathi
अल्पवयीन मुलीला लग्नाचे वचन देऊन वारंवार बलात्कार केल्याच्या आरोप असलेला भाजप नेता. (लाल वर्तुळात)

नागपूर/गडचिरोली- अल्पवयीन मुलीला लग्नाचे वचन देऊन वारंवार बलात्कार केल्याच्या आरोपात भाजपच्या नेत्याला अटक करण्यात आली आहे. गडचिरोली जिल्ह्यातील भाजपचे सिरोंचा तालुका प्रमुख अजय येनगंटी यांना पोलिसांनी सोमवारी अटक केली.


अजय येनगंटीही वाळू कंत्राटदार आहेत. तसेच ते आदिवासी विकासमंत्री राजेश अंबरीश अत्राम यांचे निकटवर्तीयही आहेत. अजय येनगंटी यांची आई शकुंतला येनगंटी चालवत असलेल्या हॉस्टेलमध्ये ही अल्पवयीन मुलगी राहत होती.

पीडित मुलीच्या आई-वडिलांनी फारच कमी वयात तिचे लग्न केले होते. पण सासरच्या मंडळींमुळे ती फार कंटाळली होती. सासरच्यांकडून होणाऱ्या छळाला कंटाळून ती घरातून पळाली. पण मुलीच्या आई-वडिलांनी तिला स्वत:कडे राहू दिले नाही. त्यामुळे तिने हॉस्टेलमध्ये राहण्याचा निर्णय घेतला.

या हॉस्टेलमध्ये शकुंतला येनगंटी यांचे पुत्र अजयने तिच्याशी मैत्री केली आणि लग्नाचे वचन देऊन हॉस्टेलमध्येच अनेक वेळा तिच्यावर बलात्कार केला. अजय येनगंटी यांच्याविरोधात भारतीय दंड विधान कलम 376 आणि पोस्को कायदा 2012 च्या सेक्शन 9 आणि 10 अंतर्गत गुन्ह्याची नोंद करण्यात आली आहे.

"पीडित अल्पवयीन मुलीने सासरचे घर सोडून माहेरी आली, तेव्हा आई-वडिलांनी तिला स्वीकारले नाही. यानंतर ती हॉस्टेलमध्ये राहू लागली. इथे तिची ओळख अजय येनगंटीसोबत झाली. लग्नाचं खोटे वचन देऊ अजयने तिच्यावर अनेक वेळा बलात्कार केला. आम्ही भाजप नेत्याविरोधात गुन्हा दाखल केला आहे. पीडित मुलगी अल्पवयीन असल्याने पोस्को कायद्याअंतर्गतही गुन्ह्यांची नोंद केली आहे," अशी माहिती गडचिरोली पोलिस स्टेशनच्या पीएसआय तेजस्विनी पाटील यांनी दिली आहे.

या मुलीने सुरुवातीला बाल कल्याण समितीसमोर तक्रार मांडली होती. यानंतर समितीने पोलिसांना या प्रकरणात गुन्हा दाखल करण्याचे निर्देश दिले होते. मुलीने अनेक वेळा हॉस्टेलमधून पळ काढण्याचा प्रयत्न केला होता, पण तिला यश येत नव्हते. तिथून पळ काढण्यात यश मिळाल्यानंतर ती थेट बाल कल्याण समितीकडे पोहोचली आणि तिथे संपूर्ण घटनेची माहिती दिली.

 

पुढील स्लाईडवर आणखी फोटो आणि माहिती

 

 
बातम्या आणखी आहेत...