आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सैनिकांच्या \'मेकॅनिकल वॉर फेअर\'ची झलक, प्रेक्षकांनी अनुभवला युद्धाचा थरार

6 वर्षांपूर्वी
  • कॉपी लिंक
आर्मर्ड कोअर सेंटर अँड स्कूल (एसीसीएस) मेकॅनाइज्ड इन्फंट्री रेजिमेंटल सेंटर (एमआआरसी) यांनी बुधवारी संयुक्तपणे आयोजित केलेल्या वार्षिक युद्ध सराव प्रात्यक्षिकांच्या वेळी प्रत्यक्ष युद्धभूमीवर आग ओकणारा रणगाडा. छायाचित्रे: मिलिंद बेंडाळे. - Divya Marathi
आर्मर्ड कोअर सेंटर अँड स्कूल (एसीसीएस) मेकॅनाइज्ड इन्फंट्री रेजिमेंटल सेंटर (एमआआरसी) यांनी बुधवारी संयुक्तपणे आयोजित केलेल्या वार्षिक युद्ध सराव प्रात्यक्षिकांच्या वेळी प्रत्यक्ष युद्धभूमीवर आग ओकणारा रणगाडा. छायाचित्रे: मिलिंद बेंडाळे.
नगर - हवाई दलाची दोन सुखोई ३० विमाने, दोन हेलिकॉप्टर, रिमोटने संचलन होणारे टेहळणी विमान पायदळ यांच्या समन्वयातून शत्रूवर कसा विजय मिळवता येतो, याचे प्रत्यंतर बुधवारी नगरच्या केके रेंजेसवर उपस्थितांना आले. निमित्त होते, नगरच्या आर्मर्ड कोअर सेंटर अँड स्कूल (एसीसीएस) मेकॅनाइज्ड इन्फंट्री रेजिमेंटल सेंटर (एमआआरसी) यांनी संयुक्तपणे आयोजित केलेल्या वार्षिक युद्ध सराव प्रात्यक्षिकांचे.

एसीसीएस एमआयआरसीतर्फे दरवर्षी अशी प्रात्यक्षिके सादर केली जातात. अचूक नेमबाजी, साधने हाताळण्याची जबरदस्त क्षमता युद्धकौशल्य, परिणामकारक वार करणारी अत्याधुनिक शस्त्रसामग्री ही सामग्री अचूकपणे वापरण्याचे कौशल्य असलेले सैनिक यांचा अनुभव उपस्थितांना आला. युद्धात रणगाड्यांचे कोणते स्थान असते? सैन्याला रणगाड्यांमुळे कोणता लाभ होतो, याचे दर्शन या प्रात्यक्षिकांतून घडवण्यात आले. रणगाड्यांच्या वाटचालीवरच युद्धाचे यश अवलंबून असते, असे जर्मन सेनानी जनरल गुडेरियन याने दुसऱ्या महायुद्धाच्यावेळी म्हटले होते. त्याचा प्रत्यय आणणारी ही प्रात्यक्षिके होती. दोन सुखोई ३० विमाने, तीन हेलिकॉप्टर यांत्रिक पायदळ मिळून शत्रूवर कसा विजय मिळवता येतो, हेही या प्रात्यक्षिकांतून उपस्थितांना प्रत्यक्ष अनुभवायला मिळाले.

सकाळी नऊच्या सुमारास या प्रात्यक्षिकांना प्रारंभ झाला. केके रेंजेसमधील प्रेक्षागृहासमोर सातशे मीटरपासून ते चार किलोमीटरपर्यंत (क्षेपणास्त्रासाठी) अनेक लक्ष्ये ठेवण्यात आली होती. सुरुवातीस अर्जुन, टी-९० एस (भिष्म), टी- ७२ (अजय), बीएमपी २, या हलक्या लढाऊ वाहनांची (इन्फन्ट्री कॉम्बॅट व्हेईकल) उपस्थितांना माहिती देण्यात आली. त्यानंतर बीएमपी वरील लाँचरमधून काँकर्स हे रणगाडाभेदी क्षेपणास्त्र डागण्यात आले. त्यानंतर जमिनीवरील लाँचरमधून "मिलान' हे रणगाडाभेदी क्षेपणास्त्र अचूकपणे लक्ष्यावर डागण्यात आले. आग ओकणाऱ्या रणगाड्यांच्या तोफांतून कानाचे पडदे भेदत जाणारे गोळे लक्ष्यांवर अचूकपणे आदळताना पाहण्याचा अनुभवच वेगळा होता. प्रत्येकवेळी लक्ष्यभेद झाल्यावर उपस्थितांकडून टाळ्यांच्या गजरात रणगाड्यातील जवानाचे कौतूक करण्यात आले.

त्यानंतर प्रत्यक्ष ‘युद्धा’स सुरुवात झाली. दूरवरून उजवीकडून चमकदार धूर धुळीचा पडदा भेटून रणगाड्यांचा ताफा आक्रमण करत लक्ष्यांवर गोळीबार करीत झेपावला. ‘शत्रू’वर (सर्व अधिकारी बसलेले प्रेक्षागृहावर) कब्जा करणे, हे त्यांचे लक्ष्य होते. बाँब गोळ्यांचा वर्षाव करीत धुराचे प्रचंड लोट निर्माण करीत रणगाडे बीएमपीत बसून आलेल्या जवानांनी अखेर आपले उद्दिष्ट साध्य केले. ‘आयडी’च्या साह्याने घडवण्यात आलेल्या स्फोटांनी या युद्ध सरावाची भीषणता अनेक पटींनी वाढली. ठिकठिकाणी धुळीचे धुराचे लोट परिणामकारक लक्ष्यभेदामुळे धगधगणाऱ्या आगीच्या ज्वालांच्या दृष्यामुळे उपस्थितांना युद्धभूमीचा थरार अनुभवायला मिळाला. या कारवाईत एसीसीएसची एक स्क्वाड्रन एमआयआरसीच्या एका कंपनीने, तसेच तीन हेलिकॉप्टरनीही भाग घेतला.

जवानांचे कौतूक
टी-९०एस टी-७२ हे रणगाडे तसे जुने आहेत, पण जवानांनी अतिशय अचूक नेमबाजीचे दर्शन घडवले. त्यामुळे साधने जुनी असली, तरी भारतीय जवानांचे कौशल्य क्षमता जबरदस्त अाहे, तसेच त्यांना मिळणारे प्रशिक्षण किती अव्वल दर्जाचे आहे, हेही प्रात्यक्षिकांतून दिसून आले.

‘अर्जुन’चे गूढ कायम
अर्जुनहा आपल्याकडील मुख्य रणगाडा मानला जातो. पण प्रत्यक्ष युद्धसरावात त्याचा अजिबात सहभाग नव्हता. त्यामुळे या रणगाड्याबाबतचे गूढ वाढले आहे. या युद्धसरावात रशियन बनावटीचा, पण आता आपल्या देशात तयार होत असलेले टी-९० एस टी-७२ रणगाडेच सहभागी झाले होते.
पुढे पाहा युध्‍द सरावाची छायाचित्रे...