कवी अनंत फंदी साहित्य पुरस्कार जाहीर; आरती दातार, प्रा. दिघे यांना साहित्य, बिडवेंना कलागौरव

कवी अनंत फंदी साहित्य पुरस्कारांचे हे आठवे वर्ष आहे. शून्यातून सूर्याकडे (आत्मकथन) डॉ. आरती दातार (पुणे) व या शतकाचा सातबाराच होईल कोरा (दीर्घ कवितासंग्रह) प्रा. शंकरराव दिघे (लोणी) या साहित्यकृतींना 3,100 रुपये, स्मृतिचिन्ह, सन्मानपत्र व महावस्त्र देऊन गौरवण्यात येणार आहे. शिवशाहीर बाबासाहेब पुरंदरे यांचे चरित्र बेलभंडारा - डॉ. सागर देशपांडे (पुणे), हत्ती इलो (काव्यसंग्रह) अजय कांडर, कणकवली, संताजी (कादंबरी) काका विधाते, कोल्हापूर, लावणी रंग आणि रूप (माहितीपर साहित्य) - सोपान कुडे, मोशी (पुणे) यांना 1 हजार 111 रोख, स्मृतिचिन्ह, सन्मानपत्र, महावस्त्र देऊन सन्मानित करण्यात येणार आहे.