आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

टंचाईत पाण्याची नासाडी, महापालिका प्रशासनाचे अक्षम्य दुर्लक्ष

7 वर्षांपूर्वी
  • कॉपी लिंक
नगर - दुष्काळी परिस्थितीमुळे जिल्ह्यातील शेकडो गावे वाड्या-वस्त्यांवरील लोकांना हंडाभर पाण्यासाठी दिवसभर टँकरची प्रतीक्षा करावी लागत आहे. नगर शहरात मात्र रोज लाखो लिटर पाण्याची नासाडी सुरू आहे. पाण्याची ही नासाडी थांबली नाही, तर संपूर्ण शहराला पाणीकपातीच्या संकटाला तोंड द्यावे लागणार आहे. प्रत्येकाने गरजेइतकेच पाणी वापरले, तर पाणीकपातीचे हे संकट ओढवणार नाही, अशी अपेक्षा जागरूक नगरकरांनी दैनिक दिव्य मराठीशी बोलताना व्यक्त केली.

ऐन टंचाईच्या काळात नगर शहराला मुळा धरणातून दररोज सुमारे ५८ दशलक्ष लिटर पाणीपुरवठा होतो. शहराची तहान भागवण्यासाठी धरणात पुरेसा साठा शिल्लक असला, तरी धरणातील पाण्याची पातळी कमी झाल्यास शहराला पूर्ण दाबाने पाणीपुरवठा करणे मनपाला शक्य होणार नाही. त्यामुळे नगरकरांनी पाण्याची उधळपट्टी आताच थांबवणे गरजेचे आहे. जिल्ह्यातील शेकडो गावे वाड्या-वस्त्यांवरील सुमारे साडेतीन लाख नागरिकांना तीव्र पाणीटंचाईला तोंड द्यावे लागत आहे.

नगर शहरातील परिस्थिती मात्र उलट आहे. मध्यवर्ती शहराला आठवड्यातून पाच दिवस, सावेडी उपनगराला दिवसाड, तर केडगावला चार दिवसांआड पाणीपुरवठा करण्यात येतो. प्रत्येक भागात एक ते दीड तास पाणी सोडण्यात येते. नागरिकांना पाणी भरण्यासाठी जास्तीत जास्त अर्धा तास लागतो. त्यामुळे पाणी भरून झाल्यानंतर उर्वरित पाणी सरळ रस्त्यावर सोडण्यात येते. मध्यवर्ती शहर सावेडी उपनगराला इतर भागाच्या तुलनेत अधिक पाणीपुरवठा करण्यात येतो. त्यामुळे या भागात पाण्याच्या उधळपट्टीचे प्रमाण सर्वात जास्त आहे. सावेडी उपनगरात अनेक नव्या वसाहती उभ्या रहात आहेत. त्यांच्या बांधकामासाठी लाखो लिटर पाणी वापरण्यात येते. दिवसाआड पाणी मिळत असल्याने नागरिकांना पाणीटंचाईची जाणीव झालेली नाही. त्यामुळे नळाला पाणी येताच घरातील ‘शिळे’ पाणी चक्क रस्त्यावर फेकले जाते. काही नागरिक तर चक्क घर, अंगण घरासमोरील रस्त्यावर हजारो लिटर पाण्याची उधळपट्टी करतात. पाणी भरून झाल्यावर नळ बंद करता पाणी सरळ रस्त्यावर सोडण्यात येते.

पाण्याची ही उधळपट्टी थांबवण्यासाठी दैनिक दिव्य मराठीने पाणी बचतीचे अभियान सुरू केले आहे. शहरातील जागरूक नागरिकांनी या अभियानाचे स्वागत केले आहे. पाण्याचा काटकसरीने वापर करून सर्वच नगरकर या अभियानाशी जोडले जातील, असा "दिव्य मराठी'ला विश्वास आहे.

वाया जाणाऱ्या पाण्याचा हिशेब नाही
शहरातसुमारे ४८ हजार अधिकृत, तर सुमारे ३० हजार अनधिकृत नळजोड आहेत. त्यात निम्म्यापेक्षा अधिक नळांना तोट्याच नाहीत. त्यामुळे वाया जाणाऱ्या पाण्याचा कोणताही हिशेब महापालिकेकडे नाही. पाणीगळतीचे २० ते २५ टक्के प्रमाण अनेक वर्षांपासून कायम आहे. सध्याच्या पाण्याच्या वितरण व्यवस्थेला चार दशके पूर्ण झाल्याने ती खिळखिळी झाली आहे. त्यामुळे पाणीपुरवठा करताना अनेक अडचणी निर्माण झाल्या आहेत.

पाण्याची बचत करू
सर्वत्र दुष्काळी परिस्थिती असताना आम्हाला महापालिकेमार्फत पुरेसे पाणी मिळते. या पाण्याचा योग्य काटकसरीने वापर करणे हे प्रत्येकाचे कर्तव्य आहे. नळांना तोट्या असतील, तर पाणी वाया जाणार नाही. त्यासाठी नळांना तोट्या बसवणे आवश्यक आहे. अलका कटारिया, गृहिणी.

नळांना तोट्या बसवा
नागरिकांनीनळांना तोट्या बसवण्याकडे दुर्लक्ष केले आहे. तोट्या नसल्याने मोठ्या प्रमाणात पाणी वाया जाते. नागरिकांनी आतातरी स्वयंस्फूर्तीने नळांना तोट्या बसवून घेणे आवश्यक आहे. उरलेले शिळे पाणी फेकून देता ते वापरात आणावे, तरच वाया जाणाऱ्या पाण्याची मोठ्या प्रमाणात बचत होईल.

पुरेसे पाणी मिळत नाही
नगरशहराच्या विविध भागांत पाण्याची मोठ्या प्रमाणात नासाडी उधळपट्टी होते आहे. त्यामुळे इतरांना पुरेसे पाणी मिळत नाही. महावीरनगर परिसरात पुरेसे पाणी येत नसल्याने आम्हाला दुसरीकडून पाणी भरावे लागते. प्रत्येकाने पाण्याची बचत करणे आवश्यक आहे. संगीता वाघमारे, गृहिणी.

आकडे बोलतात
>५८ दशलक्ष लिटरचा रोज पाणीपुरवठा
>२० ते २५ टक्के पाणी गळतीचे प्रमाण
>१४४ गावांसह ७२३ वाड्या-वस्त्यांना टँकरने पाणी
>२०४ टँकरद्वारे जिल्ह्यात रोज ४८८ खेपा
>३ लाख ४४ हजार नागरिकांसमोर तीव्र पाणीटंचाई