‘मायक्रो फायनान्स’चे कार्यालय फोडून महिलांनी अधिकाऱ्याला बसवले गाढवावर; यामुळे होत्या त्रस्त

कोल्हापूर/सातारा/पुणे- कऱ्हाड येथील दिशा मायक्रो फायनान्स कंपनीच्या कार्यालयाची महिलांनी तोडफोड केली. मनसेच्या महिला कार्यकर्त्यांनी एवढ्यावरच न थांबता अधिकाऱ्यांच्या तोंडाला काळे फासत त्यांना गाढवावर बसवले. हे खासगी सावकारी करतात, असा आरोप मनसेच्या पदाधिकाऱ्यांनी केली.

 

- कऱ्हाड तालुक्यात अनेक महिला बचत गटांना  दिशा मायक्रो फायनान्स कंपनीने कर्ज वाटप केले होते. 

- नियमित हफ्ते भरल्यावरही कर्जाची रक्कम कमी होत नसल्याने महिला त्रस्त होत्या. कर्जाच्या हफ्त्यासाठी कंपनीचे अधिकारी आणि कर्मचारी महिलांना त्रास देत होते आणि पूर्ण माहितीही सांगत नव्हते. 

- महिलांनी ही माहिती मनसेला कळवली होती. त्यानंतर त्या मनसेच्या पदाधिकाऱ्यांसोबत कंपनीच्या कार्यालयात आल्या. तेथे त्यांनी तोडफोड केली. म

- महिला खूपच चिडलेल्या होत्या. त्यांनी अधिकाऱ्याच्या तोंडास काळे फासत त्याला गाढवावरुन गावात फिरवले. 

- कंपनीचे अधिकारी वैभव कांबळे यांनी याबाबत सिटी पोलिस ठाण्यात फिर्याद दिली आहे. त्यानंतर पोलिसांनी मनसेच्या 8 कार्यकर्त्यांना अटक केली आहे.