आता खुडल्या जाणार नाहीत कोमल ‘कळ्या’

नोंदणीकृत सोनोग्राफी सेंटरमध्ये मशीन बंद आहे की सुरू याची संपूर्ण महिती घेण्यासाठी आता राज्य सरकारने प्रत्येक मशीनला स्वतंत्र युनिक आयडेंटिफिकेशन क्रमांक (यूआयडी) देण्याचा निणर्य घेतला आह़े या क्रमाकांमुळे प्रत्येक केंद्रातील मशीनची नोंदणी आरोग्य खात्याकडे केली जाणार आह़े सील केलेल्या मशीनचा वापर होतो की नाही हेही या क्रमांकाच्या ऑनलाइन माध्यमामुळे कळणार आह़े त्यामुळे आता ‘कच्च्या कळ्यां’ना खुडणे संबंधित यंत्रणेला जड जाणार आहे.

गेल्या दोन ते तीन वर्षांत सोनोग्राफी मशीनचा दुरुपयोग करून लिंगनिदान होत असल्याचे प्रकार उघडकीस आले होत़े त्यामुळे एक हजार मुलांमागे मुलींची संख्या घटल्याचे चित्र सर्वत्र दिसत होते. त्यावर राज्य सरकारने सर्व जिल्ह्यांच्या सोनोग्राफी मशीनच्या तपासण्यांची मोहीमच हाती घेतली़ राज्यातील आठ हजार सोनोग्राफी मशीनपैकी पाचशे मशीनला टाळे ठोकण्यात आले होत़े त्यावरही काहीजण सोनोग्राफी मशीनचा गैरवापर करत गुपचूप अनेक ठिकाणी लिंगनिदान करत असल्याचे चित्र उघडकीस आल्याने हा निर्णय घेण्यात आला आहे.

आता बसणार पायबंद

सोनोग्राफी मशीनला यूआयडी क्रमांक, स्त्रीभ्रूण हत्येवर येणार अंकुश, यंत्रणाही होणार ऑनलाइन