आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संरक्षण मंत्री-आर्मी चीफ यांचा शहीद कॅप्टनला सॅल्यूट; ब्रिगेडियर म्हणाले- 2 दिवसांत PAK चे 15 सैनिक मारले

4 वर्षांपूर्वी
  • कॉपी लिंक
संरक्षण मंत्री निर्मला सीतारमण यांनी शहीद कॅप्टनला श्रद्धांजली वाहिली. - Divya Marathi
संरक्षण मंत्री निर्मला सीतारमण यांनी शहीद कॅप्टनला श्रद्धांजली वाहिली.

नवी दिल्ली - पाकिस्तानच्या फायरिंगमध्ये शहीद कॅप्टन कपिल कुंडू (23) यांना संरक्षण मंत्री निर्मला सीतारमण आणि आर्मी चीफ यांनी श्रद्धांजली वाहिली आणि सॅल्यूट केला. काश्मीरचे शहीद हवलदार रोशन लाल यांच्या पार्थिवावर अंत्यसंस्कार झाल्यानंतर ब्रिगेडियर जे.एस. बधवार म्हणाले, भारतीय लष्कर पाकिस्तानला चोख प्रत्युत्तर देईल. जवानांचे बलिदान व्यर्थ जाणार नाही. आम्ही दोन दिवसांमध्ये त्यांचे 15 सैनिक मारले आहेत. पाकिस्ताननेही हे मान्य केले आहे. जवानांच्या शहादतनंतर मोठ्या कारवाईचे संकेत लेफ्टनंट जनरल सरथ चंद यांनी दिले. ते म्हणाले, लष्कर मोठी अॅक्शन करण्याच्या तयारीत. रविवारी रात्री पाकिस्तानकडून राजौरी आणि पुंछ जिल्ह्यात बंकर उडवणाऱ्या शस्त्रांनी मारा व गोळीबार करण्यात आला. काही ठिकाणी अँटी टँक गाइडेड मिसाइल (ATGM) सोडण्यात आले. यामध्ये कॅप्टनसह 4 जवान शहीद झाले होते. 

 

फायरिंगच्या आडून घुसखोरांना पाठिंबा 

- न्यूज एजन्सीच्या वृत्तानुसार, इंडियन आर्मीने सोमवारी स्पष्ट संकेत दिले की एलओसीवर पाकिस्तानकडून होणाऱ्या फायरिंगमध्ये शहीद झालेल्या जवानांचा बदला घेतला जाईल. 
-  लेफ्टनंट जनरल सरथ चंद म्हणाले, भारतीय लष्कराने पाकिस्तानच्या फायरिंगला चोख प्रत्युत्तर दिले आहे. यापुढेही त्यांच्या अशा आगळिकीला आम्ही तोडीसतोड उत्तर देऊ. यापेक्षा जास्त काही सांगण्याची गरज मला वाटत नाही. आता आमची अॅक्शनच बोलेल. 
- आर्मी ऑफिसरने पाकिस्तान घुसखोरांना पाठिंबा देत असल्याचा आरोप केला. ते म्हणाले, रविवारी पाकिस्तानकडून उखळी तोफांचा मारा करण्यात आला त्यात एक कॅप्टन आणि चार जवान शहीद झाले. 

 

4 जवान शहीद
- रविवारी पाकिस्तानच्या माऱ्यात गुडगावमधील रनसिका गावातील कॅप्टन कपिल कुंडू (23), ग्वाल्हेरचे रायफलमन राम अवतार (27), जम्मू-काश्मीरच्या सांबा सेक्टरमधील हवलदार रोशनलाल (42) आणि जम्मू-काश्मीरमधील कठुआ जिल्ह्यातील रायफलमन शुभम सिंह (23) शहीद झाले आहेत. 
- हल्ल्यात आणखी दोन जण जखमी आहेत.

 

पाकिस्तानला याची किंमत मोजावी लागेल - राजनाथ सिंह 
- न्यूज एजन्सीच्या वृत्तानुसार, केंद्रीय गृह राज्यमंत्री हंसराज अहिर यांनी पाकिस्तानच्या हल्ल्याचा निषेध करत भेकड हल्ला म्हटले आहे. 
- ते म्हणाले, 'पाकिस्तानच्या या हल्ल्याला आम्ही विसरणार नाही. हा पाकिस्तानचा मूर्खपणा ठरणार आहे आणि त्यांना याची मोठी किंमत मोजावी लागेल.'

 

'जिंदगी लंबी नाही बडी होनी चाहिए'
- कपिल यांनी त्यांच्या फेसबुक अकाऊंटवर टॅगलाइन लिहिली होती, 'जिंदगी लंबी नाही बडी होनी चाहिए'. हिंदी चित्रपट 'आनंद'मधील राजशे खन्ना यांचा हा डायलॉग आहे. 
- कॅप्टन कपिल यांचे आजोबा म्हणाले, 'माझा एकुलता एक नातू होता. आता मी काय करु. जो सहारा होता तोच निघून गेला. आता त्याच्या दोन बहीणी आहेत.'
- आई म्हणाली, 'त्याच्या देशभक्तीला सलाम करते. मला आणखी मुलं असते तर तेही देशासाठी कूर्बान केली असते.'

बातम्या आणखी आहेत...