कारगिल दिनानिमित्त शहिदांना श्रद्धांजली, सैनिकांची वन रँक वन पेन्शनची मागणी

पंतप्रधानांची श्रद्धांजली
पंतप्रधान नरेंद्र मोदींनी शहिदांना श्रद्धांजली अर्पण केली. त्यांनी ट्विटद्वारे, कारगिल विजय दिवस हा आमच्या सैनिकांचे शौर्य, पराक्रम आणि बलिदानाची आठवण करून देतो. मातृभूमीवर सर्वस्व अर्पण करणाऱ्या शहिदांना शतशः प्रमाण, अशा भावना मांडल्या.

जवांनाना दिलेले आश्वासन पूर्ण करा
याठिकाणी आलेले अण्णा हजारे म्हणाले की, जवानांना अनेक आश्वासने देण्यात आली. पण त्यांची पूर्तता केली नाही. अजूनही दोन महिने शिल्लक आहेत. आम्ही पूर्ण देशात फिरणार आहोत. पाच दिवसांपासून संसदेचे कामकाज होत नसल्याचे आम्ही पाहत आहोत. संसदेचा एका दिवसाचा खर्च किती आहे? हे पैसे कुणाचे आहेत? आमचे आहेत. जंतर मंतरवर निवृत्त अधिकाऱ्यांच्या धरणे आंदोलनातही अण्णा सहभागी होणार आहेत. अण्णा हजारेंनी यापूर्वीच वन रँक वन पेन्शन आणि भू संपादन विधेयक या मुद्यावरून 2 ऑक्टोबरपासून उपोषणाला बसणार आहेत. यासंदर्भात अण्णांनी पंतप्रधानांना पत्रही लिहिले होते.