आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Digvijay Singh's Statement About Muslim Fundamentalism

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

'कट्टर' मुस्लीमांबाबतही काँग्रेसने आक्रमक भूमिका घ्यावी, दिग्‍विजय सिंहांचा सल्ला

7 वर्षांपूर्वी
  • कॉपी लिंक
फाइल फोटो : दिग्‍विजय सिंह

नवी दिल्‍ली - कांग्रेसचे सरचिटणीस दिग्‍व‍िजय सिंह यांच्या मते त्यांच्या पक्षाने म्हणजेच काँग्रेसने धर्मनिरपेक्षतेच्या मुद्यावर दृष्टीकोन बदलणे गरजेचे आहे. पक्षाची नकारात्मक भूमिका बदलण्यासाठी त्याची आवश्यकता असल्याचे दिग्विजय यांचे म्हणणे आहे.

काँग्रेसची जनमाणसात अशा प्रकारची भूमिका तयार झाल्याने काँग्रेसचे राजकीय पतन झाल्याचे दिग्विजयसिंह यांनी म्हटले आहे. एका इंग्रजी वृत्तपत्राशी बोलताना त्यांनी अशा प्रकारचे मत व्यक्त केले आहे. काँग्रेस ज्याप्रमाणे हिंदु कट्टरवादाचा विरोध करते त्याचप्रमाणे मुस्लीम कट्टरवाद्यांवरही परखड मते मांडायला हवी. पण तसे होत नसल्याने 'भगव्या' पक्षांना संधी मिळाली आणि त्यांनी त्या संधीचा राजकीय फायदा घेतला. त्यामुळेच लोकसभा निवडणुकीत काँग्रेसचा ऐतिहासिक पराभव झाला.

दिग्विजय सिंह म्हणाले की, मुस्लीम कट्टरवाद्याच्या विरोधात जेवढे परखडपणे बोलण्याची गरज आहे, तेवढे परखडपणे आम्ही बोलत नाही. त्यामुळे कट्टरवादी हिंदु असो वा मुस्लीम आपली भूमिका दोन्हींच्या संदर्भात एकसमान असणे गरजेचे असल्याचे त्यांनी स्पष्ट केले. काँग्रेसने वारंवार हिंदु कट्टरवाद्यांच्या विरोधात चिंता व्यक्त केली. आरएसएस आणि इतर संघटनांनी धर्मनिरपेक्षतेची व्याख्या पूर्णपणे दूषित करून टाकली आहे. त्यामुळे नव्याने यावर विचार करणे गरजेचे असल्याचे त्यांनी स्पष्ट केले.