आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Live Election Commission To Announce Dates Today For Upcoming Assembly Polls: UP, Punjab, Uttarakhand, Manipur, Goa

5 राज्यांत निवडणूक : UP मध्ये दर चौथ्या दिवसाला मतदान, निकाल होळीच्या आधी 11 मार्चला

5 वर्षांपूर्वी
  • कॉपी लिंक
मंगळवारी संध्याकाळी यूपीचा ओपिनियन पोल आला आहे. त्यात मतदारांनी अखिलेश यांना पुन्हा मुख्यमंत्री पाहाण्याची इच्छा व्यक्त केली. - Divya Marathi
मंगळवारी संध्याकाळी यूपीचा ओपिनियन पोल आला आहे. त्यात मतदारांनी अखिलेश यांना पुन्हा मुख्यमंत्री पाहाण्याची इच्छा व्यक्त केली.
नवी दिल्ली - उत्तर प्रदेशसह ५ राज्यांतील निवडणुका घोषित झाल्या आहेत.देशाच्या राजकारणाची दिशा ठरवणाऱ्या उत्तर प्रदेशात ७ टप्प्यांत मतदान होईल. १४ कोटी मतदार असलेल्या या राज्यात महिनाभर दर चौथ्या दिवशी म्हणजे ११,१५,१९,२३, २७ फेब्रुवारी आणि ४ व ८ मार्च  रोजी मतदान होईल.  पंजाब व गोव्यात एका टप्प्यात ४ फेब्रुवारीला,उत्तराखंडात १५ फेब्रुवारीला तर मणिपूरमध्ये ४ व ८ मार्च रोजी मतदान होईल. होळीच्या एक दिवस आधी शनिवार दि. ११ मार्च रोजी निकाल जाहीर होतील. १ फेब्रुवारीला मोदी सरकार अर्थसंकल्प सादर करणार आहे. त्यामुळे मतदारांना प्रभावित केले जाण्याची शक्यता असल्याने तो पुढे ढकलावा, अशी विरोधी पक्षांची मागणी आहे. आयोग त्याबाबत राजकीय पक्षांशी चर्चा करणार आहे.

- अर्थसंकल्पाच्या ३ दिवसांनी गोवा, पंजाबात मतदान; अर्थसंकल्प पुढे ढकला : विरोधकांची मागणी
- उत्तर प्रदेशात ११ फेब्रुवारीपासून ८ मार्चपर्यंत मतदान
- गोवा-पंजाबमध्ये ४ व उत्तराखंडात  १५ फेब्रुवारीला
- मणिपुरात ४ व ८ मार्चला मतदान

या निवडणुकीत या नव्या बाबी...
- वीज बिल, पाणीपट्टीचे बेबाकी शपथपत्र :  उमेदवारी अर्ज भरताना ‘बेबाकी शपथपत्र’ द्यावे लागेल. त्यात घर,पाणीपट्टी, वीज व दूरध्वनी बिलाची थकबाकी नसल्याचे शपथेवर सांगावे लागेल. 
- छायाचित्र द्यावे लागेल, नागरिकत्वही सांगावे लागेल : उमेदवारी अर्जाच्या दस्तऐवजात दुरुस्ती झाली आहे. नव्या अर्जासोबत छायाचित्र चिकटवावे लागेल. उमेदवाराला तो भारताचा नागरिक आहे, त्याच्याकडे अन्य कुठल्याही देशाचे नागरिकत्व नाही, असे जाहीर करावे लागेल.

अर्थसंकल्प पुढे ढकला : विरोधक
पाच राज्यांत निवडणुकांच्या घोषणेबरोबरच आचारसंहिताही लागू झाल्याने मोदी सरकार १ फेब्रुवारी रोजी सादर करत असलेल्या अर्थसंकल्पाची तारीख पुढे ढकलावी, अशी मागणी शिवसेनेसह सर्वच विरोधी पक्षांनी केली आहे. निवडणूक आयोगाने याबाबत ५ राज्यांमध्ये निवडणुका घोषित केल्या. २०१२ मध्ये याच ५ राज्यांतील विधानसभा निवडणुका जाहीर झाल्यानंतर डॉ. मनमोहन सिंग यांच्या नेतृत्वातील यूपीए सरकारने केंद्रीय अर्थसंकल्प १६ मार्चपर्यंत पुढे ढकलला होता, याची आठवणही विरोधकांनी मोदी सरकारला दिली आहे.

या निवडणुकांचे देशभर महत्त्व, कारण...
- या ५ राज्यांत १६ कोटी मतदार. देशाच्या एकूण मतदारांच्या १९%
- देशाच्या एकूण ४०३३ विधानसभा जागांपैकी ६९० म्हणजे १७%  जागा
- या ६९० जागांपैकी सध्या २४% भाजप, २३% काँग्रेस, ३४% सप, १२% बसप
- लोकसभेच्या ५४५ पैकी १०२ जागा म्हणजे १७% जागा या राज्यांत.
- या १०२ जागांपैकी सध्या ८४.३१% भाजप, ६.८६% काँग्रेस, ४.९०% सप, ००% बसप
- देशाच्या १२७ कोटी लोकसंख्येपैकी २६ कोटी म्हणजे २१% लोक या राज्यात.
 
६९० जागांसाठी निवडणूक; १६ कोटी म्हणजेच देशाच्या १९ % मतदार
राज्य               जागा              मतदान             सध्या सरकार
उत्तर प्रदेश      ४०३            ११,१५,१९,२३,        समाजवादी पक्ष
                                          २७ फेब्रुवारी,               
                                          ४,८ मार्च
पंजाब             ११७               ४ फेब्रुवारी            भाजप+अकाली
गोवा                 ४०               ४ फेब्रुवारी            भाजप
उत्तराखंड         ७०             १५ फेब्रुवारी            काँग्रेस
मणिपूर            ६०              ४,८ मार्च                काँग्रेस
 
उत्तर प्रदेशात 7 टप्प्यांमध्ये मतदान 
- पहिला टप्पा - 15 जिल्ह्यातील 73 जागांसाठी 11 फेब्रुवारी रोजी मतदान होईल.य 
- दुसरा टप्पा - 11 जिल्ह्यातील 68 जागांसाठी 15 फेब्रुवारी रोजी मतदान होणार आहे.
- तिसरा टप्पा - 12 जिल्ह्यातील 69 जागांसाठी 19 फेब्रुवारी रोजी मतदान.
- चौथा टप्पा - 12 जिल्ह्यातील 53 जागांसाठी 23  फेब्रुवारी रोजी मतदान.
- पाचवा टप्पा - 11 जिल्ह्यातील 52 जागांसाठी 27 फेब्रुवारी रोजी मतदान 
- सहावा टप्पा - 7 जिल्ह्यांतील 49 जागांसाठी 4 मार्ज रोजी मतदान होईल.
- सातवा टप्पा - 7 जिल्ह्यातील 40 जागांसाठी 8 मार्च रोजी मतदान होईल. 
 
चार राज्यात केव्हा होणार मतदान
- मणिपूरमध्ये दोन टप्प्यात निवडणूक होईल. पहिल्या टप्प्यासाठी 4 मार्चला 38 जागांसाठी मतदान होईल. दुसऱ्या टप्प्याचे मतदान 8 मार्चला होईल. 
- उत्तराखंडमधील 70 विधानसभा मतदारसंघासाठी एकाच टप्प्यात निवडणूक होणार आहे. येथे सध्या काँग्रेसचे सरकार आहे. उत्तराखंडची निवडणूक 15 फेब्रुवारी रोजी होईल. 
- पंजाबमध्ये अकाली दल आणि भाजप युतीची सत्ता आहे. येथे 4 फेब्रुवारी रोजी मतदान होईल. 
- गोवा या महाराष्ट्राला लागून असलेल्या राज्यात 4 फेब्रुवारी रोजी मतदान होणार आहे. येथे शिवसेना आणि भाजप वेगवेगळे लढण्याची शक्यता आहे. सध्या गोव्यात भाजपची सत्ता आहे.

UP निवडणूक  आढावा
 पक्ष           2012           मतदान टक्केवारी                 2014
             विधानसभा                                               लोकसभा 
सपा         224                          29.2%                        5
बसपा        80                          25.9%                         0
भाजप+     47                           15%                           73
काँग्रेस       28                         11.6%                          2
इतर         24                          18.3%                          0
*विधानसभेच्या 403 जागा, लोकसभेचे 80 मतदारसंघ. 
 
पंजाब निवडणूक आढावा 
पक्ष                2012 विधानसभा       मतदान टक्केवारी    2014 लोकसभा 
अकाली दल                56                           34.7%                         4
आप                            -                                 -                              4
भाजप                        12                              7.2%                         2
काँग्रेस                        46                            40.1%                         3
इतर                             3                               18%                         4
*विधानसभेच्या 117 जागा, लोकसभेचे 13 मतदारसंघ. 

उत्तराखंड निवडणूक आढावा
पक्ष                                2012 विधानसभा                        मतदान टक्केवारी

काँग्रेस                                      32                                                33.8%
भाजप                                      31                                                33.1%
बसपा                                        3                                                 12.2%
यूकेडीपी                                    1                                                    1.9%
अपक्ष                                        3                                                   12.3%
* विधानसभेच्या 70 जागा. येथे सध्या काँग्रेसचे सरकार आहे. 
 
मणिपुर निवडणूक आढावा
पक्ष                                 2012 विधानसभा                         मतदान टक्केवारी

कांग्रेस                                   42                                                   42.4%
टीएमसी                                07                                                     17%
एमएससीपी                           05                                                     8.4%
एनपीएफ                               04                                                     7.5%
एलजेपी                                 01                                                      0.6%
अन्य                                     01                                                      24.1%
* विधानसभेच्या 60 जागा. येथे सध्या काँग्रेसचे सरकार आहे.
 
गोवा निवडणूक आढावा 
पक्ष                    2012 विधानसभा        मतदान टक्केवारी

भाजप                          21                             34.7%
काँग्रेस                         09                              30.8%
एमएजी                       03                                6.7%
जीव्हीपी                      02                                 3.5%
अपक्ष                          05                               16.7%
* विधानसभेच्या 40 जागा. येथे सध्या भाजपचे सरकार आहे. 
 
(Pls Note- तुम्ही जर मोबाईलवर ही बातमी वाचत असाल तर फोटोच्या वरच्या बाजूला असलेल्या Whatsapp आणि Facebook च्या आयकॉनवर क्लिक करुन इतरांनाही सहज शेअर करा. तुम्ही जर लॅपटॉप, कॉम्प्युटरवर वाचत असाल तर URL म्हणजेच लिंक शेअर करा. धन्यवाद.) 
बातम्या आणखी आहेत...