आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Malegaon Blast Case Hearing Of Bail Plea Of Sadhvi Pragya And Karnal Purohit In Supreme Court

मालेगाव ब्लास्ट: साध्वी प्रज्ञा आणि कर्नल पुरोहितसह पाच आरोपींना दिलासा

6 वर्षांपूर्वी
  • कॉपी लिंक
नवी दिल्ली- महाराष्‍ट्रातील मालेगाव ब्लास्ट प्रकरणातील आरोपी साध्वी प्रज्ञासिंह ठाकूर आणि प्रसाद श्रीकांत पुरोहितसह पाच जणांना सुप्रीम कोर्टाने आज (बुधवारी) मोठा दिलासा दिला. पाचही आरोपींवर मोक्का (महाराष्ट्र कंट्रोल ऑफ ऑर्गेनाइज्ड क्राइम अँक्ट) कायद्याअंतर्गत कारवाई करता येणार नसल्याचे कोर्टाने स्पष्ट केले आहे.
तपास यंत्रणेने कोर्टात सादर केलेले पुरावे मोक्का कायद्यासाठी पुरेसे नाहीत. या पुराव्यांवरून सर्व आरोपींना दोषी ठरवता येणार नसल्याचे न्यायमूर्ती फकीर मोहम्मद इब्राहिम कलीफुल्ला आणि न्यायमूर्ती शिव कीर्ति सिंह यांच्या खंडपीठाने म्हटले आहे तसेच यापूर्वीच्या प्रकरणात समावेश असल्यामुळे आरोपी राकेश धवाडे याच्यावरील मोक्का कायद्याअंतर्गत आरोप कायम ठेवण्यात आले आहेत.
साध्वी प्रज्ञासिंह ठाकुर, कर्नल प्रसाद पुरोहित, सुधाकर धर द्विवेदी, अजय एकनाथ राहिकर व शिव नारायण गोपाल सिंह कलसंगरा यांच्यावर मोक्का कायद्याअंतर्गत करण्यात आलेले आरोप रद्द केले. त्यामुळे सर्व आरोपींचा जामिनावर सुटण्याचा मार्ग मोकळा झाला आहे. सर्व आरोपींच्या जामीन अर्जावर एक महिन्यात निर्णय द्यावा, असे निर्देशही सुप्रीम कोर्टाने कनिष्ठ कोर्टाला दिले आहेत.
दरम्यान, मालेगावात 29 सप्टेंबर 2008 ला झालेल्या बॉम्बस्फोट प्रकरणी साध्वी प्रज्ञासिंह ठाकुर आणि कर्नल प्रसाद पुरोहितसह 12 जणांना पोलिसांनी अटक केले होते. या स्फोटात सात जनांचा मृत्यू झाला होता तर 100 पेक्षा जास्त लोक जखमी झाले होते. याप्रकरणी साध्वी प्रज्ञाला 23 ऑक्टोबर 2008 ला रोजी अटक करण्यात आली होती. त्यानंतर पोलिसांनी सर्व आरोपींवर 'मोक्का' कायद्याखाली कारवाई केली होती. साध्वी प्रज्ञा आणि कर्नल पुरोहित मागील सहा वर्षांपासून तुरूंगात आहेत.
कर्नल पुरोहितने पंतप्रधानांना पत्र लिहून केली होती सुटकेची मागणी...
या प्रकरणातील आरोपी कर्नल श्रीकांत प्रसाद पुरोहित यांने आपल्या सुटकेसाठी थेट पंतप्रधान नरेंद्र मोदी यांनी पत्र लिहिले होते. आपल्याला या प्रकरणात विनाकारण अडकवण्यात आल्याचे कर्नल पुरोहित यांनी पत्रात लिहिले होते.

पुढील स्लाइडवर वाचा, दहशतवाद कसा संपवायचा हे हिंदुंना माहीत; साध्वी, पुरोहित लवकरच येतील तुरुंगाबाहेर...