सोने गुंतवणुकदारांसाठी सरकारच्या दोन योजना, गोल्ड बाँड - सुवर्ण ठेव

नवी दिल्ली - लोकांची सोने खरेदी कमी करण्यासाठी आणि घरांमध्ये पडलेले हजारो टन सोने चलनात आणण्याच्या उद्देशाने केंद्र सरकारने गोल्ड बाँड आणि सुवर्ण ठेव योजना आज (बुधवार) झालेल्या मंत्रिमंडळ बैठकीत मंजूर केली आहे. याशिवाय इतरही महत्त्वाचे निर्णय बैठकीत घेण्यात आले.

गोल्ड बाँड योजना
- "गोल्ड बॉंड‘ योजनेअंतर्गत सरकार 15,000 कोटी रुपयांच्या रोख्यांची विक्री करण्याची शक्‍यता.

- एक व्यक्ती एका वर्षी फक्त 500 ग्रॅम गोल्ड बाँड खरेदी करू शकणार आहे.

- "गोल्ड बॉंड‘ची संपूर्ण जबाबदारी भारत सरकारची असेल.

- सोन्याच्या चालू किंमतीनुसार ठराविक दराने व्याज दिले जाणार. सरकारकडून वेळोवेळी व्याजदर निश्‍चित केला जाईल.

- "गोल्ड बॉंड‘ 5 ते 7 वर्षांसाठी विकत घ्यावे लागतील. शिवाय मुदतीपूर्वीच या योजनेतून

माघार घेता येणार आहे. "गोल्ड बॉंड‘ हस्तांतरणाची सुविधाही देण्यात आली आहे.