मोदी-पुतीन यांनी केल्या 16 करारावर स्वाक्षरी, कुडनकुलमसारखा अणुप्रकल्प भारत उभारणार!

(छायाचित्र- परराष्ट्रमंत्री सुषमा स्वराज यांनी रशिया आणि भारत यांच्यातील करारातील कागदपत्रे रशियाचे राष्ट्राध्यक्ष ब्लादिमीर पुतीन यांना प्रदान करताना. पाठीमागे पंतप्रधान नरेंद्र मोदी दिसत आहेत)

नवी दिल्ली- रशियाचे राष्ट्राध्यक्ष ब्लादिमीर पुतीन आज भारताच्या एक दिवसीय दौ-यावर आले आहेत. भारतात दाखल होताच पुतीन यांनी पंतप्रधान नरेंद्र मोदी यांची भेट घेतली. यानंतर दोन्ही देशांच्या प्रतिनिधींची एक प्राथमिक बैठक होईल. त्यानंतर भारत आणि रशिया यांच्यातील 15 वी वार्षिक शिखर बैठक झाली. यावेळी दोन्ही देशांदरम्यान, संरक्षण, अणुऊर्जा, तसेच हायड्रोकार्बन आदी क्षेत्रात करार झाले. भारत आणि रशिया यांच्यात तेल व गॅस शोधासाठी संयुक्त मोहिम राबविण्याचा करार झाला. तामिळनाडूतील कुडनकुलमसारखा देशात आणखी एक अणुप्रकल्प उभारण्याबाबत दोन्हा देशांत सामंजस्य झाले. पेट्रोल-गॅस, लष्कर प्रशिक्षण देवान-घेवाण, अणुऊर्जा, आरोग्य क्षेत्रात संशोधन आदींसह विविध 16 करारावर स्वाक्षरी करण्यात केल्या. अणु ऊर्जा ही शांततेसाठी वापरण्याबाबत दोन्ही देशाचे एकमत झाले. याचबरोबर पुढील 10 वर्षांसाठी आर्थिक, राजकीय आणि संरक्षणविषयक कराराचा आराखडा बनविण्याचा दोन्ही देशानी निर्णय घेतला.

रशियन भाषेत ट्विट करीत मोदींनी केले पुतीन यांचे स्वागत- पुतिन भारत दौ-यावर आल्याने पंतप्रधान मोदींनी आनंद व्यक्त केला आहे. मोदींनी रशियन भाषेत टि्वट करीत पुतीन यांचे स्वागत केले आहे. मोदींनी टि्वटवर याबाबत भावना व्यक्त करताना म्हटले आहे की, राष्ट्राध्यक्ष पुतिन यांचे भारतात स्वागत करताना मला आनंद होत आहे. काळ बदलला आहे पण मैत्रीत कोणतेही बदल झालेला नाही.

अमेरिकेशी जवळिक साधल्याने रशिया नाराज- पुतिन बुधवारी रात्री भारतात दाखल झाले. त्यांचा भारतातील संपूर्ण दौ-याचे वेळापत्रक पाहिल्यास ते भारतात 22 तास असतील. पुतिन यांचा दौरा हा उत्साहवर्धक नक्कीच असणार नाही जितका यापूर्वीच्या राष्ट्राध्यक्षांचा राहिला असेल. याचे कारण आहे भारत आणि अमेरिका यांच्यात वाढत चाललेली जवळिक.

राष्ट्राध्यक्ष बराक ओबामांना भारताने येत्या 26 जानेवारी दिवशी प्रजासत्ताक दिनाच्या सोहळ्याला प्रमुख पाहुणे निमंत्रित केल्याने आणि फ्रान्समधील रफेल कंपनीशी लढावू विमानाबाबत करार केल्याने रशिया भारतावर नाराज आहे. पुतिन यांचा दोन दिवसाचा नियोजित दौरा होता मात्र तो आता एक दिवसाचाच आहे.

पुढील स्लाईडवर बघा, पुतीन यांच्या दौऱ्याची छायाचित्रे....