आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Saudi Diplomat Booked Gangrape Victims Were Screened For Skin Colour Police

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

प्लेसमेंट एजंसीने विकल्या होत्या नेपाळी महिला, उजळ रंगामुळे केली होती निवड

5 वर्षांपूर्वी
  • कॉपी लिंक
नवी दिल्ली - सौदी राजनयिक (डिप्लोमॅट)अधिकाऱ्याच्या तावडीतून सोडवण्यात आलेल्या दोन नेपाळी महिलांसदर्भात नवा खुलासा झाला आहे. पोलिस तपासात समोर आले आहे की या महिलांना नेपाळच्याच एका महिलेने भारतातील एका प्लेसमेंट एजंसीपर्यंत पोहोचवले होते. आरोप आहे, की प्लेसमेंट एजंसीने या महिलांची सौदी राजनयिक अधिकाऱ्यांना विक्री केली होती. प्लेसमेंट एजंसीच्या एका व्यक्तीने या दोन्ही महिलांच्या उजळ रंगामुळे त्यांची राजनयिक अधिकाऱ्यांसाठी निवड केली. पोलिसांनी या प्रकरणी एफआयआर दाखल केला आहे. मात्र परराष्ट्र मंत्रालयाच्या परवानगीशिवाय कोणतीही कारवाई होऊ शकत नाही. याआधी बुधवारी झालेल्या चौकशीत कळाले होते की भूकंपामुळे घर उद्ध्वस्त झाले आणि गरीबीमुळे त्या भारतात आल्या होत्या.

एक मुलीसाठी तर दुसरी पतीसाठी आली होती भारतात
मिळालेल्या माहितीनुसार, गुडगाव पोलिसांनी ज्या दोन नेपाळी महिलांना सौदी डिप्लोमॅट्सच्या घरातून सोडवले आहे त्यातील एक घटस्फोटीत आहे. तिला एक मुलगी आहे. मुलीच्या संगोपनासाठी रोजगाराच्या शोधात ती भारतात आली होती. तर दुसरीचा पती कँसरग्रस्त आहे. पतीच्या उपचारांसाठी पैसे कमावण्याच्या उद्देशाने ती भारतात आली होती. दोन्ही महिलांना बुधवारी रात्री नेपाळला पाठवून देण्यात आले.

नेपाळी महिला घेऊन आली भारतात
पोलिसा सुत्रांच्या माहितीनूसार, या दोन्ही महिलांना एक नेपाळी महिला भारतात नोकरी देण्याचे आमिष देऊन घेऊन आली होती. तिचे नाव कल्पना असल्याचे सांगण्यात आले आहे. कल्पनाने या दोघींना एक प्लेसमेंट एजंसीपर्यंत पोहोचवले. कल्पना दोन लाख रुपये कमिशन घेऊन नेपाळला परत गेली. पोलिसांचा दावा आहे की कल्पानाने आणकी 28 महिलांना भारतात आणले होते. प्लेसमेंट एजंसीमध्ये काम करणाऱ्या अन्वर नावाच्या व्यक्तीने या दोघींच्या गौरवर्णामुळे यांची सौदी डिप्लोमॅट्ससाठी निवड केली. यांच्यासोबत आणखी 30 महिला होता. अन्वरने यांना सौदी डिप्लोमॅट्सला विकले.

पोलिस घेत आहे अन्वरचा शोध
पोलिसांच्या माहितीनूसार अन्वर गुडगामध्ये राहातो. तो नेपाळ आणि उत्तराखंडच्या मुलींच्या शोधात असतो. पोलिसांचे म्हणणे आहे की अन्वर सुंदर मुली आणि महिलांना विदेशातही विकतो. ज्या सर्वसाधारण असतात त्यांना दिल्लीत घरकामाला लावतो.
पुढील स्लाइडमध्ये पाहा, संबंधित फोटो