प्लेसमेंट एजंसीने विकल्या होत्या नेपाळी महिला, उजळ रंगामुळे केली होती निवड

नवी दिल्ली - सौदी राजनयिक (डिप्लोमॅट)अधिकाऱ्याच्या तावडीतून सोडवण्यात आलेल्या दोन नेपाळी महिलांसदर्भात नवा खुलासा झाला आहे. पोलिस तपासात समोर आले आहे की या महिलांना नेपाळच्याच एका महिलेने भारतातील एका प्लेसमेंट एजंसीपर्यंत पोहोचवले होते. आरोप आहे, की प्लेसमेंट एजंसीने या महिलांची सौदी राजनयिक अधिकाऱ्यांना विक्री केली होती. प्लेसमेंट एजंसीच्या एका व्यक्तीने या दोन्ही महिलांच्या उजळ रंगामुळे त्यांची राजनयिक अधिकाऱ्यांसाठी निवड केली. पोलिसांनी या प्रकरणी एफआयआर दाखल केला आहे. मात्र परराष्ट्र मंत्रालयाच्या परवानगीशिवाय कोणतीही कारवाई होऊ शकत नाही. याआधी बुधवारी झालेल्या चौकशीत कळाले होते की भूकंपामुळे घर उद्ध्वस्त झाले आणि गरीबीमुळे त्या भारतात आल्या होत्या.

एक मुलीसाठी तर दुसरी पतीसाठी आली होती भारतात
मिळालेल्या माहितीनुसार, गुडगाव पोलिसांनी ज्या दोन नेपाळी महिलांना सौदी डिप्लोमॅट्सच्या घरातून सोडवले आहे त्यातील एक घटस्फोटीत आहे. तिला एक मुलगी आहे. मुलीच्या संगोपनासाठी रोजगाराच्या शोधात ती भारतात आली होती. तर दुसरीचा पती कँसरग्रस्त आहे. पतीच्या उपचारांसाठी पैसे कमावण्याच्या उद्देशाने ती भारतात आली होती. दोन्ही महिलांना बुधवारी रात्री नेपाळला पाठवून देण्यात आले.पुढील स्लाइडमध्ये पाहा, संबंधित फोटो