वृक्षलागवड मोहीम उद्घाटनासाठी मुनगंटीवारांनी दिले पंतप्रधानांना निमंत्रण

नवी दिल्ली- पर्यावरणाचा ऱ्हास अाणि राज्यातील कमी हाेत असलेल्या वनक्षेत्राच्या पार्श्वभूमीवर राज्यातील वनक्षेत्र वाढविण्याची धडक माेहीम हाती घेण्यात अाली आहे. या माेहिमेचा शुभारंभ 1 जुलै राेजी करण्यात येत अाहे. या एकाच दिवशी दाेन काेटी झाडे लावली जाणार असून माेहिमेच्या उद्घाटनासाठी पंतप्रधान नरेंद्र माेदी यांना निमंत्रण देण्यात अाले अाहे.

राज्याचे वन वित्त मंत्री सुधीर मुनगंटीवार यांनी बुधवार पंतप्रधान नरेंद्र माेदी यांची भेट घेऊन त्यांना वृक्षाराेपण अभियानाबाबत माहिती दिली. या अभियानाला पंतप्रधानांनी शुभेच्छा दिल्या अाहेत. परंतु जुलै राेजी सुरू हाेणाऱ्या या अभियानात सहभागी हाेण्यासाठी त्यांनी अद्याप हाेकार दिलेला नाही. जुलै राेजी दाेन काेटी झाडे लावण्याची तयारी डिसेंबरपासूनच करण्यात अालेली अाहे. खड्डेही तयार अाहेत. दीड कोटी रोपटे हे वन क्षेत्रात लावले जातील तर ५० लाख रोपटे शाळा, सरकारी कार्यालये, मैदान आदी ठिकाणी लावण्यात येणार आहेत.

या कार्यक्रमातंर्गत लावण्यात येणाऱ्या रोपट्यांची देखभाल संरक्षण लोकसहभागातून केली जाणार अाहे. या उपक्रमाला लोकचळवळीचे स्वरुप देऊन हा उपक्रम यशस्वी करू असा विश्वास त्यांनी व्यक्त केला.

मराठवाड्यात इकाे बटालियन!