2G घोटाळा: SC ने सांगितले, चौकशीपासून दूर राहा CBI डायरेक्टर, सिन्हा यांना झटका

नवी दिल्ली- सुप्रीम कोर्टाने आज (गुरुवार) सीबीआयचे संचालक रंजीन सिन्हा यांना म्हटले, की 2G स्पेक्ट्रम घोटाळाच्या चौकशीपासून तुम्ही दूर राहा. सिन्हा यांना या चौकशीपासून दूर ठेवण्यात यावे, अशी मागणी करणाऱ्या याचिकेवर सुनावणी करताना कोर्टाने हा आदेश दिला आहे. आम आदमी पक्षाचे नेते आणि वरिष्ठ वकिल प्रशांत भुषण यांनी आरोप केले होते, की या घोटाळ्यातील आरोपी कंपन्यांचे वरिष्ठ अधिकारी सिन्हा यांच्या निवासस्थानी भेटायला येतात.

यापूर्वी या प्रकरणी सुनावणी करताना सुप्रीम कोर्टाने सीबीआयच्या वरिष्ठ अधिकाऱ्यांना चांगलेच फैलावर घेतले होते. कोर्टाने आज या अधिकाऱ्यांना कोर्टाच्या परिसरातून जाण्यास आणि कार्यालयात काम करण्यास सांगितले. सिन्हा यांच्यासंदर्भात सुनावणी असल्याने हे अधिकारी कोर्ट परिसरात उपस्थित होते. यावेळी सुप्रीम कोर्टाचे मुख्य न्यायाधीश एच. एल. दत्तू म्हणाले, की एवढ्या मोठ्या संख्येने अधिकारी येथे का उपस्थित आहेत? येथे एवढ्या अधिकाऱ्यांची गरज नाहीये. तुम्ही येथे वेळ वाया घालवू नका. कार्यालयात जाऊन काम करा.