बीफ खाणे आरोग्यास हानिकारक, गुजरात सरकारने दिला \'कुराण\'चा हवाला

अहमदाबाद- पवित्र 'कुराण' ग्रंथाचा हवाला देत बीफ खाणे आरोग्यास हानिकारक असल्याचा दावा गुजरात सरकारच्या एका मंडळाने केला आहे. गोसेवा आणि गौचर विकास मंडळाने अहमदाबाद शहरातील बापुनगरात होर्डिंग लावले आहे. गाय ही आपली माता आहे. कुरानातही गायीचे संरक्षण करण्याविषयी सांगण्यात आले आहे, असे संदेश देण्यात आला आहे.

होर्डिंगवर मुख्यमंत्री आनंदीबेन आणि इस्लाम धर्माचे चिन्ह (चंद्र व तारा) दिसत आहे. कृष्ण जन्माष्टमीनिमित्त या होर्डिंगच्या माध्यमातून मुस्लिम बांधवांना मंडळातर्फे शुभेच्छा देण्यात आल्या आहे.

काय आहे संदेश?
'अकरामुल बकरा फिनाह सैयदुल बाहिमा' याचा अर्थ असा की, 'प्राण्यांमध्ये गाय ही अत्यावश्यक आहे. तिचा सन्मान करायला हवा, तिची पुजा करायला हवी. गायीचे दूध व तूप औषधीत वापरले जाते. मात्र, गोमांस (बिफ) अनेक आजारांचे कारण बनू शकते. गोमांस आरोग्यास हानिकारक आहे.'