आपल्या शहरातील ताज्या बातम्या आणि ई-पेपर मिळवा मोफत

Install App
  • Marathi News
  • Rahul Gandhi At Mhow To Address Public Meeting Of Sc St

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

महू : राहुल गांधींनी 8 मिनिटे केले Meditation, त्यानंतर 14 मिनिटांचे भाषण

6 वर्षांपूर्वी
  • कॉपी लिंक
डॉ. बाबासाहेब आंबेडकरांच्या पुतळ्यासमोर पुष्प अर्पण करताना राहुल गांधी - Divya Marathi
डॉ. बाबासाहेब आंबेडकरांच्या पुतळ्यासमोर पुष्प अर्पण करताना राहुल गांधी
महू (इंदूर) - काँग्रेस उपाध्यक्ष राहुल गांधी यांनी मंगळवारी घटनाकार डॉ. बाबासाहेब आंबेडकर यांचे जन्मस्थळ असलेल्या महूचा दौरा केला. आंबेडकर स्मारकावर त्यांनी आठ मिनिटे मेडिटेशन केले. त्यानंतर 14 मिनिटांचे भाषण केले. भाषणादरम्यान त्यांनी डॉ. आंबेडकरांच्या आठवणी जागवत जातीयवादाविरुद्ध लढण्याचा संदेश दिला.
म्हणाले, बाबासाहेबांचे स्वप्न अधुरेच...
राहुल गांधी यावेळी सभेला संबोधित करताना म्हणाले की, बाबासाहेबांनी दलितांच्या जीवनात प्रकाश आणला. त्यांचे योगदान देश आणि जातीच्या बंधनात बांधून ठेवता येणार नाही. ते अत्याचाराच्या विरोधाचे प्रतिक होते. पण त्यांचे स्वप्न आजही अधुरेच आहे. जातीयवाद आजही देशाच्या राजकारण, शिक्षण आणि समाजामध्ये खोलवर शिरलेला आहे. त्यांचे स्वप्न पूर्ण करण्यासाठी आपल्याला जातीयवादाची भिंत पाडावी लागेल.

जातीयवादावर भाषण केंद्रीत
राहुल गांधी यांनी सुमारे 14 मिनिटे भाषण केले. त्यांचे संपूर्ण भाषण बाबासाहेबांशिवाय जातीयवादावर केंद्रीत होते. त्यांनी केंद्रावर किंवा राज्य सरकारवरही हल्ला चढवला नाही. या मंचाच्या माध्यमातून त्यांनी देशातील तरुणांना जातीयवादाच्या विरोधात आवाज उठवण्याचे आव्हान केले. राहुल म्हणाले की, कोणी म्हणतो देशाच्या विकासासाठी इन्फ्रास्ट्रक्चर गरजेचे आहे तर कोणी म्हणतो लोहमार्ग आणि रस्ते गरजेचे आहेत. पण माझ्या मते आपण जोवर समाजाच्या प्रत्येक स्तरापर्यंत त्यांचे अधिकार पोहोचवत नाही तोपर्यंत देशाचा विकास होऊ शकणार नाही. त्यामुळे आपण सर्वांनी बाबासाहेबांचे स्वप्न पूर्ण करण्यासाठी जातीयवाद पूर्णपणे दूर करायला हवा.

दोन तास उशीर झाला
स्वर्ग मैदान मंदिरावर राहुल गांधींची दुपारी तीन वाजता सभा होणार होती, पण ते 4.50 वाजता पोहोचले. त्यांच्या येण्यापूर्वी काँग्रेसच्या सुमारे 25 नेत्यांनी त्याठिकाणी भाषण केले. बहुतांश नेत्यांची भाषणे ही बरीच एकसारखी होती. बऱ्याच वेळ वाट पाहिल्यानंतरही राहुल गांधी येत नव्हते, त्यामुळे नेत्यांच्या भाषणादरम्यान लोकांनी हूटिंगही केले.
125 व्या जयंती वर्षानिमीत्त कार्यक्रम
पुढील वर्षी भारतीय घटनेचे शिल्पकार डॉ. बाबासाहेब आंबेडकर यांची 125 वी जयंती आहे. ती मोठ्या उत्साहात साजरी करण्याचा काँग्रेसचा मानस आहे. त्याची सुरुवात उपाध्यक्ष राहुल गांधी यांनी महू येथून केली.
दलित अत्याचारांच्या घटनांत वाढ
देशभरात अल्पसंख्याक आणि दलित समजावरील अत्याचारांच्या घटनांमध्ये गेल्या काही दिवसांमध्ये वाढ झाली आहे. महाराष्ट्रात अहमदनगर जिल्ह्यात दलित तरुणांच्या हत्येची चार प्रकरणे घडली आहेत. मध्यप्रदेशात आजही अनेक गावांमध्ये दलित समाजातील नवरदेवाची वरात घोड्यावरुन नेल्यास त्यांना मारहाणीच्या घटना ताज्या आहेत. या पार्श्वभूमीवर काँग्रेस अध्यक्षा सोनिया गांधी यांनी पंतप्रधानांना पत्र लिहून हे प्रकार थांबवण्यासाठी पुढाकार घेण्याचे आवाहान केले आहे.

पुढील स्लाइडमध्ये, सभेच्या ठिकाणची छायाचित्रे