Home | National | Other State | ISRO Launched 31 Satellites With One Set Self Made 100th News And Updates

इस्रोची मोठी झेप; 100 वा उपग्रह प्रक्षेपित, एकाच वेळी 31 उपग्रह अंतराळात पाठवले

दिव्य मराठी वेब टीम | Update - Jan 13, 2018, 02:04 AM IST

भारतीय अवकाश संशोधन संस्थेने (इस्रो) गुरुवारी एकाच वेळी ३१ उपग्रह अंतराळात प्रक्षेपित केले. यात २८ उपग्रह कॅनडा, फिनलंड,

  • ISRO Launched 31 Satellites With One Set Self Made 100th News And Updates

    श्रीहरिकोटा- भारतीय अवकाश संशोधन संस्थेने (इस्रो) गुरुवारी एकाच वेळी ३१ उपग्रह अंतराळात प्रक्षेपित केले. यात २८ उपग्रह कॅनडा, फिनलंड, फ्रान्स, दक्षिण कोरिया, यूक, अमेरिका आणि इतर देशांचे तर ३ भारताचे आहेत. इस्रोनिर्मित १०० वा उपग्रह कार्टाेसॅट-२ चाही समावेश आहे. प्रक्षेपणासाठी पीएसएलव्ही-सी ४० चा वापर करण्यात आला. इस्रोने या आधी फेब्रुवारी २०१७ मध्ये विक्रमी १०४ उपग्रह प्रक्षेपित केले होते.

    > १३२३ किलो वजन ३१ उपग्रहांचे
    > ७१० किलो वजन एकट्या कार्टाेसॅट-२चे
    > ६१३ किलो वजन इतर ३० उपग्रहांचे


    - पीएसएलव्हीने १९९३ पासून आजवर भारताचे ५१ व २८ देशांचे २३७ उपग्रह प्रक्षेपित केले.
    - १९७५ पासून १९९६ पर्यंत २५ उपग्रह सोडले होते. १९९५ पासून ७७ उपग्रह पाठवण्यात आले.


    कार्टाेसॅट-२चे कार्य
    हा अत्याधुनिक उपग्रह जीआयएस आधारित मॅपिंग करेल. म्हणजेच तो रस्ते, पूल, धरणांसारख्या पायाभूत विकास कार्यांना पूर्ण करण्यासाठी पृथ्वीची छायाचित्रे संबंधित विभाग आणि राज्य सरकारांना देईल.


    > नासाच्या स्पेस एज्युकेटर अपूर्वा म्हणाल्या, अाता ‘चांद्रयान-२’ मोहिमेकडे सर्वांचे लक्ष
    इस्त्राेने अार्यभट्ट, भास्कर या उपग्रहांपासून केलेला प्रारंभ ते १०० वे उड्डाण ही कामगिरी एेतिहासिक अाहे. तंत्रज्ञान व संशाेधनाच्या जाेरावर चांद्रयान व मंगळयान या माेहिमादेखील यशस्वी झाल्या अाहेत. अाता या सर्वांचे लक्ष मार्चमधील ‘चांद्रयान-२’ या माेहिमेकडे अाहे.
    - अपूर्वा जाखडी, स्पेस एज्युकेटर, ‘नासा’ (नाशिकच्या रहिवासी )

  • ISRO Launched 31 Satellites With One Set Self Made 100th News And Updates
    शुक्रवारी इस्त्रोने 31 उपग्रह लाँचे केले. यातील 28 विदेशी आहेत.
  • ISRO Launched 31 Satellites With One Set Self Made 100th News And Updates
    इस्त्रोने गेल्यावर्षी एकाचवेळी 104 उपग्रह सोडले होते.

    भारताने शुक्रवारी अंतराळात शतक ठोकले आहे. श्रीहरीकोटा येथील सतीश धवन अंतराळ केंद्रावरुन भारताचे 100वे सॅटेलाइटचे यशस्वी प्रक्षेपण करण्यात आले. कार्टोसॅट-2 उपग्रहाला भारताचा 'अंतरिक्षातील डोळा' म्हटले जात आहे. हा उपग्रह अंतरिक्षातून जमीनीवर नजर ठेवू शकतो आणि हाय क्वालिटीची छायाचित्रे पाठवू शकणार आहे. इस्त्रोच्या या यशाबद्दल पंतप्रधान नरेंद्र मोदींनी ट्विट करुन शास्त्रज्ञांचे अभिनंदन केले आहे.  

    भारताच्या या लाँचिंगमुळे शेजारी देश पाकिस्तान सावधान झाला आहे. कार्टोसॅट-2 या अंतरिक्षातील डोळ्याने बॉर्डरवर होणाऱ्या घडामोडींवर नजर ठेवली जाणार आहे. 

Trending