Home »National »Other State» ISRO Launched 31 Satellites With One Set Self Made 100th News And Updates

इस्रोची मोठी झेप; 100 वा उपग्रह प्रक्षेपित, एकाच वेळी 31 उपग्रह अंतराळात पाठवले

भारतीय अवकाश संशोधन संस्थेने (इस्रो) गुरुवारी एकाच वेळी ३१ उपग्रह अंतराळात प्रक्षेपित केले. यात २८ उपग्रह कॅनडा, फिनलंड,

दिव्य मराठी वेब टीम | Jan 13, 2018, 02:04 AM IST

श्रीहरिकोटा-भारतीय अवकाश संशोधन संस्थेने (इस्रो) गुरुवारी एकाच वेळी ३१ उपग्रह अंतराळात प्रक्षेपित केले. यात २८ उपग्रह कॅनडा, फिनलंड, फ्रान्स, दक्षिण कोरिया, यूक, अमेरिका आणि इतर देशांचे तर ३ भारताचे आहेत. इस्रोनिर्मित १०० वा उपग्रह कार्टाेसॅट-२ चाही समावेश आहे. प्रक्षेपणासाठी पीएसएलव्ही-सी ४० चा वापर करण्यात आला. इस्रोने या आधी फेब्रुवारी २०१७ मध्ये विक्रमी १०४ उपग्रह प्रक्षेपित केले होते.

> १३२३ किलो वजन ३१ उपग्रहांचे
> ७१० किलो वजन एकट्या कार्टाेसॅट-२चे
> ६१३ किलो वजन इतर ३० उपग्रहांचे


- पीएसएलव्हीने १९९३ पासून आजवर भारताचे ५१ व २८ देशांचे २३७ उपग्रह प्रक्षेपित केले.
- १९७५ पासून १९९६ पर्यंत २५ उपग्रह सोडले होते. १९९५ पासून ७७ उपग्रह पाठवण्यात आले.


कार्टाेसॅट-२चे कार्य
हा अत्याधुनिक उपग्रह जीआयएस आधारित मॅपिंग करेल. म्हणजेच तो रस्ते, पूल, धरणांसारख्या पायाभूत विकास कार्यांना पूर्ण करण्यासाठी पृथ्वीची छायाचित्रे संबंधित विभाग आणि राज्य सरकारांना देईल.


> नासाच्या स्पेस एज्युकेटर अपूर्वा म्हणाल्या, अाता ‘चांद्रयान-२’ मोहिमेकडे सर्वांचे लक्ष
इस्त्राेने अार्यभट्ट, भास्कर या उपग्रहांपासून केलेला प्रारंभ ते १०० वे उड्डाण ही कामगिरी एेतिहासिक अाहे. तंत्रज्ञान व संशाेधनाच्या जाेरावर चांद्रयान व मंगळयान या माेहिमादेखील यशस्वी झाल्या अाहेत. अाता या सर्वांचे लक्ष मार्चमधील ‘चांद्रयान-२’ या माेहिमेकडे अाहे.
- अपूर्वा जाखडी, स्पेस एज्युकेटर, ‘नासा’ (नाशिकच्या रहिवासी )

Next Article

Recommended