आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • National
  • Javan Javid Ahmad Dar Abducted And Killed By Terrorists In Kashmir Latest News And Updates

काश्मिरात दहशतवाद्यांनी जवानाचे अपहरण करून केली हत्या, महिनाभरातच दुसरे प्रकरण

3 वर्षांपूर्वी
  • कॉपी लिंक
जावेद डार दक्षिण काश्मीरच्या शोपियां जिल्ह्यात तैनात होते.
दहशतवाद्यांनी मेडिकल दुकानातून केले अपहरण.
 

श्रीनगर - काश्मीरच्या शोपियां जिल्ह्यात दहशतवाद्यांनी जम्मू-काश्मीर पोलिसांतील कॉन्स्टेबल जावेद अहमद डार यांची हत्या केली आहे. त्यांचा मृतदेह शुक्रवारी गुलगामच्या परिवानमध्ये आढळला. जावेद यांचे गुरुवारी संध्याकाळी 5 वाजेदरम्यान अपहरण केले होते. एक महिन्यातच अशा प्रकारची ही दुसरी घटना आहे. यापूर्वी 14 जून रोजी दहशतवाद्यांनी भारतीय सैन्यातील जवान औरंगजेबची कलमपोरातून अपहरण करून हत्या केली होती.

वृत्तसंस्था एएनआयनुसार, जावेद अहमदला शोपियांच्या कचदुरा गावातील एका मेडिकल दुकानातून अपहरण करण्यात आले होते. असेही वृत्त येत आहे की, दहशतवादी एका कारमधून आले होते आणि जावेदला बळजबरी बसवून निघून गेले. कचदुरामध्ये या वर्षी एका एन्काउंटरमध्ये 5 दहशतवादी ठार झाले होते.

 

जवान औरंगजेब ईदनिमित्त घरी जात होते: 
दहशतवाद्यांनी 14 जून रोजी सैन्यातील जवान औरंगजेब यांचे कलमपोरातून अपहरण केले होते. त्यानंतर त्यांची हत्या करण्यात आली. ते आपल्या गावी ईद साजरी करण्यासाठी जात होते. औरंगजेब यांची हत्या करण्याआधी दहशतवाद्यांनी त्यांचा एक व्हिडिओही बनवला होता. यात दहशतवाद्यांनी त्यांना अनेक प्रश्नही विचारले होते. ते 44 राष्ट्रीय रायफलसोबत शोपियांच्या शादीमर्गमध्ये तैनात होते. 

 

बातम्या आणखी आहेत...