आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कॉल सेंटर ते 50 हजार केंद्र: कर्नाटकमध्‍ये मायक्रो मॅनेजमेंटद्वारे भाजप ठरला सर्वात मोठा पक्ष

4 वर्षांपूर्वी
  • कॉपी लिंक

बंगळुरू - कर्नाटकमध्ये सर्वात मोठा पक्ष ठरलेला भाजप मायक्रो मॅनेजमेंटद्वारे आपल्या लक्ष्यापर्यंत पोहोचला आहे. असे असले तरी काट्याच्या लढतीत हा पक्ष बहुमतापासून दूरच राहिला. भाजपाध्यक्ष अमित शहा यांनी मोदी मंत्रिमंडळातील ३० केंद्रीय मंत्र्यांसह ५५ खासदारांवर कर्नाटकातील चार-चार मतदारसंघांची जबाबदारी सोपवली होती.

 

यानंतर ही संख्या कमी करून एकीकृत व्यवस्था लागू केली. भाजपने पान प्रमुखासोबत पहिल्यांदा पान समिती स्थापन केली. त्यात मतदार यादीतील त्या पानातील २-३ मतदारांना आपल्यासोबत जोडले. अशा पद्धतीने विधानसभेत पक्षाने १५ ते २२ हजार पान कार्यकर्त्यांची फौज उभी केली व १० लाखांहून जास्त मतदारांना पक्षाशी जोडले. भाजपच्या या विजयात प्रचाराची रणनीती महत्त्वाची ठरली. पक्षाने महिला, युवा, शेतकरी, दलित, अल्पसंख्याकांसह सर्व ८ आघाड्या सक्रिय करत प्रत्येक गावात जनसंपर्काची जबाबदारी सोपवली. म्हणजे एका दिवसात एका गावात एका तासाच्या आत जनसंपर्क मोहीम चालवली.

 

एका दिवशी ८ वेळा जनसंपर्काच्या धोरणामुळे भाजप लढतीत वरचढ ठरला.  याशिवाय मिस्ड कॉलने पक्षाचे सदस्य झालेल्या नागरिकांना कॉल सेंटरद्वारे थेट संपर्क साधला. ज्या मतदारांशी फोनवर बोलणे शक्य नव्हते त्यांच्या प्रत्यक्ष संपर्कासाठी १०-१० लोकांची व्हेरिफिकेशन टीम तयार केली होती. प्रत्येक मतदारसंघात अशी व्यवस्था केली होती. जवळपास ५०-५५ हजार मतदान केंद्रे तीन भागांत- बूथ कमिटी, शक्ती केंद्र, महाशक्ती केंद्रात विभागण्यात आली. प्रत्येक केंद्रावर ५ ते ७ जणांची समिती स्थापन केली. ५-७ केंद्रे मिळून एक शक्ती केंद्र व ५ शक्ती केंद्रे मिळून एक महाशक्ती केंद्र स्थापन केले. प्रदेश भाजपला केवळ प्रचार मोहिमेत ठेवले. सर्व्हेणातूनच शहांनी उमेदवार निवडले.

 

पुढील स्‍लाइडवर वाचा, जिथे मोदींनी राहुल गांधींना १५ मिनिटांचे आव्हान दिले, फेअरवेलचे आवाहन केले तिथे ९९% विजय... 

 

हेही वाचा,
भाजपची मध्य आणि मुंबई कर्नाटकात पकड मजबूत; जेडीएसचा बालेकिल्ला मात्र शाबूत

कर्नाटक निवडणूक: ज्‍या उमेदवारांची सर्वाधिक चर्चा झाली, वाचा त्‍यांचे काय झाले

 

बातम्या आणखी आहेत...