नितीश सरकारमधील आमदारांची दबंगाई, RJD-JDUचा सरकारी बंगल्यावर कब्जा

सरकारी बंगल्याचा मुद्दा चांगलाच गाजत असताना पत्रकारांनी राजद व जदयूच्या आमदारांवर प्रश्नांचा भडीमार केला. त्यावरून आमदार संतापले व ते पत्रकारांवर चांगलेच भडकले. 'तुमचे काय जाते', असा उलट सवालही आमदारांनी पत्रकारांना केला.

दरम्यान मुख्यमंत्री नीतीश कुमार यांनी दुसर्‍याच दिवशी क्राइम मीटिंग बोलावली होती. त्यात उपमुख्यमंत्री तेजस्वी यादव यांनी सरकारी बंगल्यांचे वितरण नियमानुसार होईल, असे सां‍गितले होते.

जदयूचे आमदारही मागे नाही-
सरकारी बंगल्यांवर कब्जा करणारे फक्त राजदचे आमदार नव्हे तर जदयूच्या आमदारही आहेत. अलॉटमेंटआधीच जदयूच्या आमदारांनी बंगल्यावर 'कब्जा' केला आहे.

घोसीचे आमदार राहुल सिंह यांच्या 15, हार्डिंग रोडवरील बंगल्यावर खगडिया जिल्ह्यातील परबताचे आमदार आर.एन. सिंह यांनी स्वत:ची नेम प्लेट्‍स लावली आहे. राहुल सिंह यांना निवडणुकीत पराभवाचा सामना करावा लागला होता.

8, ऑफ पोलो रोडवरील बंगल्यावर नरपतगंजचे आमदार अनिल कुमार यादव यांनी कब्जा केला आहे. मात्र, हा बंगला अनिल कुमार यादव यांच्या नावावर अलॉट केला आहे. यावर राहुल सिंह यांनी सांगितले की, आम्ही बाहेर गेलो होतो. आज सकाळी पाहिले तर माझी नेम प्लेट उखडून टाकण्यात आली होती. त्या ऐवजी अनिल यादव यांची नेम प्लेट बसवलेली होती.