बलात्कारप्रकरणी केंद्रीय रेल्वेमंत्री सदानंद गौडांच्या मुलाविरुद्ध अटक वॉरंट जारी

मिळालेली माहिती अशी की, कार्तिकला पोलिसांनी यापूर्वी दोनदा नोटीस बजावली होती. तरीही कार्तिक कोर्टात हजर झाला नाही. अखेर कोर्टाने त्याच्याविरुद्ध अटक वॉरंट काढले आहे. तसेच कार्तिक विदेशात पळून जाण्याचा पोलिसांना संशय आहे. यामुळे कार्तिकला लुकआउट नोटीस बजावण्याबाबत पोलिसांनी केलेली विनंती कोर्टाने मान्य केली आहे.

दरम्यान, पोलिसांनी पीडित अभिनेत्री मैत्रेयीने दिलेल्या तक्रारीवरून कार्तिकविरोधात बलात्कार, विश्वासघात आणि फसवणूक केल्याने गुन्हा दाखल केला आहे. कार्तिकचा एका अन्य मुलीसोबत साखरपुडा झाल्यानंतर पीडित मैत्रेयीने त्याच्या विरोधात पोलिसांत तक्रार दाखल केली होती.