आंध्रात २० चंदन तस्करांचा खात्मा, पोलिसांच्या कारवाईने तामिळनाडूत संताप

शेषाचलम जंगल, चिकातिकोना इथागुंटात ही चकमक झाली. २०० तस्कर चंदनाची झाडे लाकडे घेऊन पलायन करत होते. पोलिसांनी त्यांना शरणागतीचे आवाहन केले. पण त्यांनी कुऱ्हाडी देशी कट्ट्यांनी पोलिसांवरच हल्ला केला. पोलिसांना स्वसंरक्षणार्थ गोळीबार करावा लागला.चिकातिकोनात ११ आणि ईथागुंटात तस्करांचा मृत्यू झाला.

चौकशीची मागणी
कारवाईवर तामिळनाडूतील अद्रमुक, द्रमुक, पीएमके, भाजपसह सर्वच पक्षांनी टीका केली. सीएम पनीरसेल्वम यांनी घटनेच्या त्वरित चौकशीची मागणी केली. पीएमके प्रमुख रामदौस म्हणाले की, स्वसंरक्षणार्थ गोळीबार केला हा पोलिसांचा दावा पूर्णपणे खोटा आहे. आंध्र आणि तामिळनाडूच्या सरकारांनी मृतांच्या नातेवाइकांना भरपाई द्यावी, अशी मागणी द्रमुकचे अध्यक्ष एम. करुणानिधी यांनी केली.