‘डर्टी पॉलिटिक्स\'च्या पोस्टरवरून मल्लिका शेरावतला हैदराबाद हायकोर्टाची नोटीस

हैदराबाद- बॉलिवूडची अभ‍िनेत्री मल्लिका शेरावत हिला हैदराबाद हायकोर्टाने नोटीस बजावली आहे. मल्लिकाचा आगामी सिनेमा ‘डर्टी पॉलिटिक्स’चे एक पोस्टर लॉन्च झाले आहे. त्यात तिने अंगाभोवती राष्‍ट्रध्वज 'तिरंगा' गुंडाळल्याचे दाखवण्यात आले आहे. या पोस्टर विरोधात सामाजिक कार्यकर्ते टी. धनगोपाल राव यांनी ही याचिका दाखल केली आहे.

हायकोर्टाने राव यांच्या याचिकेची गंभीर दखल घेतली आहे. मल्लिकासह सिनेनिर्माते के.सी. बोकाडिया यांनाही नोटीस बजावली आहे. मल्लिका आणि बोकाडिया यांनी राष्ट्रध्वजाचा अवमान केल्याचे राव यांनी याचिकेत म्हटले आहे.