आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • Manpreet Singh Died On Terrorist Attack In Jammu

गोळ्यांचा आवाज आल्यावर पत्निला सांगितले की फटाके आहेत, संध्याकाळी आली शहीद झाल्याची बातमी

7 वर्षांपूर्वी
  • कॉपी लिंक
(फोटो: शहीद मनप्रीत सिंह )

धारीवाल
- दहशतवादी हल्ल्यात धारीवालच्या अवानमधील मनप्रीस सिंह शहीद झाले आहेत. मनप्रीत सैन्यामध्ये गनमॅन होते. पाच वर्षापूर्वी रणजीत कौर यांच्याशी त्यांचा विवाह झाला होता. या दाम्पत्याला अरमानप्रीत सिंह नावाचा तीन वर्षाचा मुलगा आहे. मनप्रीत यांचे भाऊ भूपेंद्र सिंह यांनी सांगितले की, मनप्रीत दोन डिसेंबरला सुट्टीवर येणार होते.
मनप्रीत यांचे घर फौजींच्या डेऱ्याच्या नावाने परिसरात प्रसिध्द आहे. त्यांचे दोन मोठे भाऊ भूपेंद्र आणि गुरजिंदर सिंह हे सुध्दा सैन्यात आहेत. त्यांचे दोन चुलत भाऊसुध्दा सैन्यात आहेत. काका सुखदेव सिंह सैन्यातून निवृत्त झाले आहेत. भाऊ भूपेंद्र सिंह म्हणाले की, माझा भाऊ शहीद झाल्याचा आम्हाला अभिमान आहे. तर पत्नी रणजीत कौर म्हणाल्या की, आत्ता एक दिवसापूर्वीच त्यांच्याशी फोनवर बोलणे झाले. या दरम्यान फोनवर गोळीबार होत असल्याचा आवाज येत होता. मी त्यांना याबद्दल विचारल्यावर ते म्हणाले की, येथे नेहमीच फटाके फुटत असतात. घाबरण्याचे काहीच कारण नाही. त्यानंतर शुक्रवार संध्याकाळी त्यांच्या शहीद होण्याची बातमी आली. तर शहीद मनप्रीत यांच्या तीन वर्षीय मुलाने आपल्या बोबड्या बोलीमध्ये सांगितले की, पप्पा ड्यूटीवर गेले आहेत. ते तेथून माझ्यासाठी एक विमान आणणार आहेत. मी सुध्दा पप्पाप्रमाणेच सैन्यात भरती होणार आणि शत्रुंना ठार करणार.
पुढील स्लाईडवर पाहा, या घटनेचे इतर फोटो...