मोदींचे कार्यकर्त्यांना 7 ‘स’कार; भ्रष्टाचारमुक्त निर्णयामुळे अर्थव्यवस्थेला गती

अलाहाबाद- कोणत्याही वादग्रस्त मुद्यांचा उल्लेख न करता पंतप्रधान नरेंद्र मोदी यांनी सोमवारी पक्ष कार्यकर्त्यांना आपल्या आचरणात संयम आणि सहानुभूतीसह सात ‘स’कारांचे अनुसरण करण्यास सांगितले. (सेवाभाव, संतुलन, संयम, समन्वय, सकारात्मकता, सद‌्भावना, अाणि संवाद) केवळ घोषणाबाजीने लोकांचे समाधान होत नाही. देश कशा पद्धतीने भक्कम होत चालला आहे, हेही ते बघत असतात, असे मोदी म्हणाले.

भाजप राष्ट्रीय कार्यकारिणीच्या दोनदिवसीय बैठकीच्या समारोपप्रसंगी बोलताना मोदींनी कोणत्याही वादग्रस्त मुद्यांचा उल्लेख केला नाही. मात्र सत्तेचा उपयोग समाजाच्या फायद्यासाठी करा, असा सल्ला भाजप नेत्यांना दिला. सेवाभाव, संतुलन, संयम, समन्वय, सकारात्मकता, सद‌्भावना व संवाद या सात मंत्रांचे अनुसरण करण्याचा सल्ला त्यांनी कार्यकर्त्यांना दिला. भाजप अध्यक्ष अमित शहा यांनी पश्चिम उत्तर प्रदेशातून हिंदूच्या पलायनाबाबत चिंता व्यक्त केली.