निठारी हत्याकांड: सुरेंद्र कोलीला 12 सप्टेंबरला फाशी, भीतीने सोडले अन्न-पाणी

मेरठ- निठारी हत्याकांडातील प्रमुख आरोपी सुरेंद्र कोली याच्या फाशीची तारीख ‍निश्चित करण्‍यात आली आहे. येत्या 12 सप्टेंबरला त्याला मेरठ चौधरी चरण सिंह मध्यवर्ती तुरुंगात फासावर लटकवले जाणार असल्याची माहिती तुरूंग निरीक्षक एस.एच.एम. रिझवी यांनी दिली.

14 वर्षीय मुलीची निर्घृण हत्या केल्याच्या आरोपाखाली कोलीला फाशीची शिक्षा सुनावण्यात आली आहे. सुरेंद्र कोलीला फाशी देताना सर्व कायदेशीर नियमांचे पालन केले जाणार आहे.

दुसरीकडे, फाशीच्या भीतीने नराधम सुरेंद्र कोली याने अन्न- पाणी सोडले असल्याचे तुरूंग प्रशासनाने सांगितले आहे. गाझियाबाद येथील कोर्टाने बुधवारी सुरेंद्र कोली याला 'डेथ वॉरंट' जारी केले होते. गाझियाबाद येथील डासना तुरूंगातून त्याला मेरठ तुरूंगात हलवण्यात आले. 90 मि‍निटांच्या प्रवासात कोली काहीच बोलला नाही. तो सारखा फुंडून फुंडून रडत होता.

दरम्यान, सुरेंद्र कोलीला 10 सप्टेंबर रोजी फासावर चढवले जाण्याची शक्यता आहे. या पार्श्वभूमीवर मेरठमधील चौधरी चरणसिंह जिल्हा मध्यवर्ती तुरुंग प्रशासन तयारीला लागले आहे. जल्लाद पवन याने फाशीचा ओटा आणि दोरखंडाची पाहणी केल्याची माहिती मिळाली आहे.