...अन्यथा मृत मुलीवर अंत्यसंस्कार करणार नाही, पीडितेच्या नातेवाईकांचा इशारा

मोगा - पंजाबमधील मोगा येथे धावत्या बसमध्ये छेडछाड करून मायलेकीला फेकून दिल्याप्रकरणावरून कॉंग्रेस रस्त्यावर उतरला आहे. पंजाब सरकारच्या विरोधात कॉंग्रेसने आज (शनिवारी) रेल्वे रोको आंदोलन केले. बसच्या मालकावर जोपर्यंत कारवाई होत नाही तोपर्यंत मृत मुलीवर अंत्यसंस्कार करणार नाहीत, असे पीडितेच्या नातेवाईकांनी म्हटले आहे. ही बस पंजाबचे उपमुख्यमंत्री सुखबीर सिंग बादल यांची कंपनी 'ऑरबिट अॅव्हिएशन'ची आहे. सरकार सरकारतर्फे उपमुख्यमंत्री बादल यांच्या कंपनीच्या बस आणि कर्मचार्‍यांना पोलिस सुरक्षा देण्यात आली आहे.

शिक्षण मंत्र्यांची मुक्ताफळे...
दुसरीकडे, पंजाबचे शिक्षण मंत्री सुरजीत सिंग राखरांनी वादग्रस्त वक्तव्य केले आहे. 'कोणीही अपघात थांबवू शकत नाही, जे काही झाले ते परमेश्वराची इच्छा होती.' असे उथळ वक्तव्य करून राखरांनी नव्या वादाला तोंड फोडले आहे. राखरांच्या वक्तव्यानंतर त्यांच्यावर चहुबाजुंनी टिकेची झोड उठली आहे.