नऊ महिन्यांची गर्भवती; पूर आलेली नदी पार करून पोहोचली रुग्णालयात!

उत्तर कर्नाटकातून वाहणार्‍या कृष्णा नदीला पूर आला आहे. त्यात येल्लावाचा प्रसुतकाळ जवळ आला होता. नीलकातरायणागडे या गावाच्या जवळपासच्या परिसरात एकही रुग्णालय नाही. चार किलोमीटर अंतरावर रुग्णालय होते. परंतु त्यासाठी नदी पार करावी लागणार होती. त्यात नदीला पूर आल्याने एकही नाविक नौका काढण्यास तयार नव्हता.

अखेर येल्लावाने अशा परिस्थितीत स्वत: पोहोत जाऊन रुग्णालयात जाण्याची हिंमत दाखवली. तिच्या उदरात मुलगा होता. बाळाला सुरक्षित जन्म देण्याची येल्लावाची इच्छा होती. येल्लावाची परिस्थिती गंभीर होत असल्याचे पाहुन तिच्या वडिलांनी तिला नदी उडी घ्यायला सांगितली. येल्लावाच्या भावाने सुरक्षेसाठी तिच्या पाठीवर सुकलेले भोपळे बांधले. भाऊ येल्लावाच्या पुढे तर वडील तिच्या मागे, अशा पद्धतीने तिघे तब्बल 90 मिनिटे पोहून कृष्णा नदी पार करून रुग्णालयात पोहोचले. नंतर काही वेळातच येल्लावाने गोंडस मुलाला जन्म दिला. येल्लावा आणि तिच्या बाळाची प्रकृती उत्तम असल्याचे डॉक्टरांनी सांगितले.

पुढील स्लाइडवर क्लिक करून वाचा, गर्भावस्थेत कृष्णाई पार करणारी येल्लावा काय म्हणाली...