पंजाबमध्ये विवाहितेवर गॅंगरेप, मैत्रिणीच्या पतीचा आरोपींमध्ये समावेश

(फोटो: मोगामध्ये बसमध्ये छेडछाड पीडितेवर उपचार करताना डॉक्टर)
नवी दिल्ली/मोगा- पंजाबच्या मोगामध्ये धावत्या बसमध्ये मायलेकीची छेडछाड केल्यानंतर दोघींनाही धावत्या बसमधून खाली ढकलून दिल्याची घटना ताजी असतानाच एका विवाहीतेवर गॅंगरेप झाल्याची धक्कादायक घटना समोर आली आहे. पीडित महिला मोगा येथील रहिवासी आहे.

नराधमांनी आधी पीडितेचे अपहरण केले. नंतर तिला अज्ञात ठिकाणी नेऊन तिच्यावर 11 जणांनी आळीपाळीने सामूहिक बलात्कार केला. आरोपींनीमध्ये पीडितेच्या मैत्रिणीच्या पतीचा समावेश आहे. पीडितेच्या तक्रारीवरून मोगा पोलिसांत गुन्हा दाखल करण्यात आला आहे.

'न्याय म‍िळाला नाही तर आत्महत्या करेल'
धावत्या बसमध्ये छेडछाड करून दोन्ही मायलेकींना बाहर ढकलून देण्‍यात आले होते. यात मुलीचा मृत्यू झाला. आई गंभीर जखमी झाली आहे. नातीला न्याय मिळाला नाही तर आत्महत्या करेल, असा इशारा वजा धमकी मृत मुलीची आजी सुरजीत कौरने प्रशासनाला दिली आहे. माझ्या आत्महत्येला पंजाबमधील बादल सरकार जबाबदार राहिल, असेही सुरजीत कौर यांनी म्हटले आहे.

दरम्यान, मोगामध्ये बुधवारी (28 एप्रिल ) धावत्या बसमध्येच कंडक्टर, हेल्पर 13 वर्षीय मुलीशी छेडछाड करत होते. आईने विरोध केला तेव्हा तिच्याशीही गैरवर्तन केले. मग दोघींनाही धावत्या बसमधून खाली ढकलून दिले. मुलीचा मृत्यू झाला. आई गंभीर जखमी झाली. पंजाबचे मुख्यमंत्री प्रकाशसिंह बादल यांच्या बसमध्ये हा सर्व प्रकार घडला.

बुधवारी सायंकाळची ही घटना जखमी महिलेने शुद्धीवर आल्यानंतर सर्व प्रकार सांगितल्यानंतर गुरुवारी उजेडात आली. तिकिटावरून भांडण झाल्यावर महिलेने मुलीसह उडी घेतली होती, असे पोलिसांनी आधी म्हटले होते. परंतु, लोकसभेतही प्रकरण गाजले तेव्हा चालक रणजित, कंडक्टर सुखविंदर, हेल्पर गुरदीपसह अमरजित या आरोपींना अटक झाली. चौघांवर खून, खुनाचा प्रयत्न आणि छेडछाडीचे गुन्हे दाखल झाले. काँग्रेस आपने घटनेच्या न्यायालयीन चौकशीची मागणी केली आहे.