हिंदू जागा होतोय आता घाबरण्याची गरज नाही, मोहन भागवत यांचे धर्मांतरावर वक्तव्य

कोलकाता- भारतीय जनता पक्ष आणि राष्ट्रीय स्वयंसेवक संघातील नेत्यांनी वादग्रस्त वक्तव्य टाळावीत, यासाठी अखेरचा उपाय म्हणून पंतप्रधान नरेंद्र मोदी यांनी राजीनाम्याची धमकी दिल्याचे समजते. मात्र, दुसरीकडे राष्ट्रीय स्वयंसेवक संघाचे सरसंघचालक मोहन भागवत यांनी धर्मांतराच्या मुद्यावर भाष्य केले आहे. हिंदू जागा होतोय आता घाबरण्याची गरज नाही. तसेच हिंदू धर्म कोणावरही दबाव आणत नसून रस्ता भरकटलेल्यांना परत घरी आणण्याची गरज असल्याचे मोहन भागवत यांनी म्हटले आहे. सरसंघचालक भागवत आज (शनिवारी) कोलकात्यात बोलत होते.